يايمه ماحضرتي لحسين طاح من المهر
يزهراء شالوالراس والجثه ظلت تعتفر
ـــــــــــــــــــ
ليش يازهراء ما جيتي لأرض الغاضريه
اتشوفي جثة حسين على الرمضا رميه
ينخي يايمه العدوان دشربوني اميه
يعفر عالرمل الحار وقلبه يايمه منفطر
ــــــــــــــــــــ
ييمه ماحضرتي لابنج اتشوفي حاله
بليا راس ويدين امقطعه اوصاله
اباخبرج ييمه داسه الشمر بنعاله
وتربع فوق صدره والسيف حطه في النحر
ـــــــــــــــــــــــ
والله ما ختشى منه وكبه على الوطيه
ينخيهم انا عطشان دسقوني اميه
وقطع راسه يزهره اوشاله ابسمهريه
وبيده لوح الراس والجثه ظلت تعتفر
ــــــــــــــــــــــ
ييمه ماحضرتي تعزيني على حسين
شفته واحترق قلبي وهلت دمعة العين
وشفت الراس يمه وقلبي صار شطرين
وصرخت بصوت يحسين والله ماعندي صبر
ــــــــــــــــــــــ
ييمه ماحضرتي للمدلل الغالي
وسهم مسموم بفاده ويعفر بلرمالي
وشفتي الجسد مرمي وراسه برمح عالي
مزقت الجيب يمه وراسي لطمته بالعشر
ـــــــــــــــــــ
يايمه ماحضرتي تشوفي زفة الشاب
صباح العرس يازهره متعفر بالتراب
ييمه لوتشوفين راسي امن الحزن شاب
شفت ييمه الشبان كلها بغبرى تعتفر
ــــــــــــــــــ
ييمه لوحضرتي تشوفي اشحال لاكبر
شباب حسين يايمه على الغبرى امعفر
اصغير مابلغ حلمه وبعده الشارب اخضر
قضى عطشان يمه وقلبه على الماء منفطر
