ادور عليك مابين الجثث يحسين
ادور عليك يبني امي وينور العين
***
اقلب بالجثث وانشد على المذبوح اصيح بصوت يبن امي ويروح الروح
جاوبني يخوية بيا كتر مطروح اريد احسب واعد شجم جرح مجروح
مجروح كلي بيا صوب سمعيت قلبك مصيوب
قبل اليوم ريت انا بعمه العينين
***
معذورة بسواد الليل الك هاميت كافي من الصبر ولشوفك اشتاكيت
اجيت انشد واشوفنك عدل ظنيت لجن يا حيف مدري بلا ولي ظليت
ظليت حرم واطفال ياريت تطر للحال
وتشوف شلون حالي ودارت الصوبين
***
تشوف شلون حالي بديرة الغربة حركوهه الخيم والنار ملتهبة
يا صبر الصبر مل الصبر دربه وين الكه اخوي الما رجف قلبه
القاه واشكي له شصار عباس ويشوف النار
ويشوف اخته العقيله وطاحت بنارين
***
