واويلي على القاسم
اصرخ والدمع ساجب
وسفة مخضب بدمه
لجله منفجع عمه
تبجي وتنتحب امه
وسفه على الثرى نايم
لجله تنتحب رمله
يبني يبني تكله
عرسك ما حصل مثله
ماصاير على الوادم
رمله تبجي مفجوعة
المعرس طفوا شموعه
من دم راسه ودموعه
تعفر خده الناعم
رمله تنعى وتنادي
يبني ذايب افادي
خليت الحزن زادي
وخليت الفكر هايم
جاسم يبني يا غالي
اكعد شاهد احوالي
ضاعت والله امالي
يا زهرة بني هاشم
يبني روحي وعيوني
عكبك خابت ضنوني
والله والله فجعوني
لمن صابك الصارم
ابجي وعيني ربية
منهو يالولد ليه
لو اخذوني مسبية
ويحدي ناكتي الظالم
