لتعوفوني لتعوفوني ...... يصرخ كلبي وتبجي عيوني
...._......_......_....
لتعــــوفوني الطفله تنادي .... يابـــــويه وياريع افـــادي
ياريحانــــه روح الهادي .... ماظنكم بويـــــه تخلـــوني
...._......_......_....
اتمنى المـــــوت يوافــــيني .... ولاوحــدي بهمي تخليني
بس دمعي وحزني يواسيني .... وتشــيل العيله وتنســـوني
...._......_......_....
ريت الموت ايغمض عيني .... وتخمد انفاسي ويه سنيني
ولا اشوف العيله مودعيني .... وبنــار الفركه اتحــركوني
...._......_......_....
يابويه اشلون أصبروحدي .... ونار افراكك تسري بجبــدي
وياهو ايهود بعدك وجدي .... ويسكـِّن يابويه اضنوني
...._......_......_....
وكفــت يمه وكامت تنحب .... ياحالك عـن حالي التصعب
بـــس ردتك يابويه ابمطلب .... ريت بعبــــدالله تـسـلوني
...._......_......_....
مهــــومه وحاﭽـته بعبره .... ودمعتها من الهم منحــدره
يابــــويه افراكك مااكدره .... ولا أحمــــل فكرة تنســوني
...._......_......_....
لاذت بيــــه وشمت صدره .... شــــبكته وباســــته بنحره
ناحت ونهـــد ساترصبره .... حـــين الصاحت لتذلــــوني
...._......_......_....
ودعـــها بـدمعات وآهه .... بدمــــوعه الصــــبت ناداها
خبـــــرها بحاله وبجاها ..... عطشــــان الدين ويردوني
...._......_......_....
سارت الضعون وودعوها .... بين الآه والهم عافـــوها
شــــدة زينب حين أخذوها .... وتسمع صوت يون تانوني
...._......_......_....
شـــمت كاع الضلت بيها ..... اثـــــار العيله وواليــــها
تغطت الآثـــــار بذاريها ..... وهي تصيح اهنا دفنوني
...._......_......_....
ردت والهــــم رد اوياها .... اشـــلون الدار امن اتلكاها
تصرخ ويرد صوت صداها .... يادار انوارج ودعوني
...._......_......_....
يادار احزانـــج من حزني .... ابجي وياي وصيحي ووني
خابت كل آمـــــالي وظني .... ماظن أحبابي ايذكروني
