نادت الطفله العليله بصرخه مخنوكه ونحيله
ودعيني يارقيه
موادع المابعده جيه
رحلت افراكج طويله بصرخه مخنوكه ونحيله
___
ودعيني وخل احضنج يمي اكربي وودعيني
يارقيه وخلي دمعج بالحزن يغفه بحنيني
يارقيه اشلون بيه وعودتها اعليج عيني
من يسليني بغيابج من يشاركني بونيني
يارقيه ويزري بيه
موادع المابعده جيه
دمعي لفراكج اسيله ...... بصرخه مخنوكه ونحيله ..... ودعيني يارقيه
___
لو رحلتي اشلون بيه ياهو ليونس وحشتي
ولوهلي شالوا يطفله من الي انا بغربتي
ولو خواتي تروح عني ابقي لتروحين انت
انت روحي ونظرعيني انت أختي وسر بهجتي
يختي مو هين عليه
موادع المابعده جيه
همي ياخيتي اشيشيله .... بصرخه مخنوكه ونحيله..... ودعيني يارقيه
___
ودعيني وواسي كلبي يارقيه الصبح حاير
يصرخ ويسألني عنكم لوحدت الضعون باجر
ولوسمعت الحادي يحدي وهيج بصوته المشاعر
وين انطي الوجه باجرياكلب يكدر يكابر
صرخة اوداعج شجيه
موادع المابعده جيه
دمعي ويه الدم أسيله .....رحلت افراكج طويله..... ودعيني يارقيه
___
ودعيني الليله يختي كبل لاصبح الله يطلع
ادري ويه الصبح روحي لوسرت الضعون تطلع
خل احط خدي اعله خدج حتى تشبع روحي واشبع
مسحي دمع العين بيه بلكت اعله الثوب تطبع
حتى اودعه بكل مسيه
موادع المابعده جيه
والدمع ماصح بديله ...رحلت افراكج طويله..... ودعيني يارقيه
___
ودعيني بحسره يختي وخلي أشم ابشوغه خدج
واطلب ابحسرة دمعتي وعلـِّتي وبجاه جدج
من ترد أضعون أهلنه أطلب امن الله يردج
وبحضن عودي يطفله يكبر ويتربه وردج
وماتمر بيج الأذيه
موادع المابعده جيه
كلبي محتاراندعيله ....رحلت افراكج طويله ..... ودعيني يارقيه
___
ودعيني وهيسي ناري يارقيه البيه شجرت
ناري وسط أحشاي تلهب بالكلب هالنارسعرت
لوصبردلالي لحظه حاشا روحي عليج صبرت
أخذي روحي اوياج أمانه بلكي لورديتي ردت
شبَّت بنار السريه
موادع المابعده جيه
شلتوا عني فرد شيله ....بصرخه مخنوكه ونحيله..... ودعيني يارقيه
