وحيده ليش عفتوني === يبويه ياضوه إعيوني
ــــــــــــــــــــــــ
يبويه يا أبو الأكبر == عفتني ليش أتحســّر
على إفراگك فلا أگدر == نيــــران الگلب تسعر
أنادي جــدّي ياحيدر == عنـدي يالولي إحضر
إمسح دمعة العينيـــن == واسيني يبو الحسنيين
غابوا كـُل هلي الطيبين
ونادي إو ما يسمعوني === يبويــه ياضوه إعيوني
ـــــ
أبد ما نام سهرانه == من يوم الوداع آنه
وشوف البيت بحزانه == ظلامــــه صار عنوانه
بعد ما غاب خلاّنــَه == تنوح إبشوگ حيطانه
يشاركني العـَزه والنوح == گلبــي النازف المجروح
وإبهمها تلوب الروح
وأريدنكم تعينونـــــــي === يبويه ياضوه إعيوني
ـــ
يبويه يا أبو اليمـّه == گلبــــي يشتعل همــّه
مكانك هايمه أشتمــّه == بعدكم ما بگت هــِمــّه
مشه إعليـّه الوكت أعمه == والروحـــــي جرح وأدمه
ما أنصف زماني إويــــاي == جرح جفني إو عمه عيناي
من يوم الغبت مولاي
عليله آني إو نسيتوني === يبويه ياضوه إعيوني
ـــــــــ
أريدن زينب إتجيني == تمسح عمــّتي عيني
على إفراگك تسلــّيني == تواسينـــي إو تهــَدّيني
تنوح إوياي ترويني == تزيـــل إهموم تاذيني
تسولفلي الجـَرَه إعليكم == وظــــــــــل آني أتانيكم
تعالولي أناديكم
تعالوا يالتركتونـــــــي === يبويه ياضوه إعيوني
ــــ
طالت غيبتك يحسيــــــن == أحــَســّنها چثيــره إسنين
يبويه إرجع يماي العيـــن == خلــّيهـــــا فـَرِحـْـتي إتحين
من يوم الوداع البيـــن == لفاني إو ما رحل بعدين
وظل أنطــُرها جـَيــّتكم == تجونـــــي إبذيچ لمــّتكم
تخلص هاي رحلتكم
بالرجعه تفـُرحونــــــي === يبويه ياضوه إعيوني
ـــــــ
آلامي إو جروحي إهواي == ينهشنـي المرض والداي
دموعي ما سلت عيناي == مظلمـــه إوجاهمه دنياي
وإگليبـي إلــَك شچــّاي == يابويـــــه إبعظم بلواي
يبويه من يحل الليـل == أناجيه إو أصيح الويل
وإدموعي إبظلامه إتسيل
عجيبه ما ذكرتونــي === يبويه ياضوه إعيوني
