آيزينب المهدي بدموعه ينادي آيزينب
غايب وكل الفرح عنـــــــــي تغيّب
كــــربله ليل ونهار اعليها انحب
من بدل دمعي دمه ابجي اعله زينب
حسين اخوها منذبح واخيمها تهلب
كلبي ينحب يا خلك مثل المخيم كلبي ينحب
كلب عمتي آه جــــم لوعه تحمّل
من بعد حرك الخيم حركو المحمل
خاف اسولف حاله والعباس يزعل
حافيه زينب تره صعدت عله التل
ما تعذب مثل كلب ام المصايب ماتعذب
بعد موقــــــف اروي وبدلالي جـــــمره
تشوف اخوها الخيل تسحك فوك صدره
بلايه راس وقَبـــِلّت جدي اعــــله نحره
شسوه بعياله الشمر كامت تخــــــــبره
تكله اشرب يالمتت ضامي اخذ دمعاتي إشرب
زينب بقصتها حرت منين ابــــــدي
من بعد هاي المصايب جلمه عنـدي
حين فوك الرمح رفعو راس جــــدي
صاحت ابطف كربله ادركني يمهدي
روحي تنحب
من اذكر مصاب العقيله روحي تنحب
زينب وما أنسه يـــــــا عالم سبيها
ارد اموت من البجي ونوحي عليها
بت علي وبحبال مجتوفــــه اديها
وشاهدت حته رقيه مجتفيــــــها
مو قف اصعب ينضرب متن العقيله موقف اصعب
