(ليلة الوحشه)
ليلة الوحشه يبو فاضل رهيبه
لا مُخيم لا أهل وانه غريبـــــه
افزعلنه ياكمر صارت العيله بخطر
عيلتك صوب النهر من ودعتهـا
يابو فاضل تنتظر جيتك عفتهـا
تدري جم طفله بغيابك صبرتها
ينهدم حيلك يخويه لو شفتهــا
ساعه لن حسين اجاني من الشريعه ينادي عفت الغالي وجفوفه كطيعه
من طحت فوك النهر صارت العيله بخطر
ظل اخوك لوحده ياريتك تنظـــــره
راح عني وما رجعلي غير مــــــــهره
اكصدت صوب المعركه وبعيوني عبره
لن شفت شمر الخنه يكطع بنحــره
كمت انادي ياشمر لا تذبح حسين
غيره ماعدنه ولي وننطي الوجه وين
بسيفه من حز النحر صارت العيله بخطر
اعداك ماعدهم شيم باعو شيمهم
كامو يصيحون احركوها خيمهــــم
فرو من الخوف اطفالي شيلمــــهم
من يمسهم ياكمر لو انت يمـــــهم
يا كمر بلخيل سحكوها اليتامه
والسياط بكل متن تركت علامه
الجمر بالخيمه استعر صارت العيله بخطر
يابو فاضل لو دريت شصار بينه
جا بجيت بكثر ما احنه بجيـــنه
من بعدك عينك يحماي الضعينه
من ال اميه وكّفو حارس علينــه
توجهت للمشرعه بحركه وانادي
من عكب عينك تحامينه الاعادي
وين ابن فارس مضر صارت العيله بخطر
كمت اهل ادموعي واصرخ راحو اهلي
انه يـــــاهي الشــــــاهدت آلآم مثلي
اشلون اصبر واليصبـــــرني شــــــيكلي
ياكمر وكت الصـــــــــلا اكعد واصلي
آنه من بعدك هدم حيلي زماني
وبسهم فكدك يبوفاضل رماني
ما رحم بينه الدهر صارت العيله بخطر
ماتعوف المشرعه وتلحــك عـليه
والله ما خلتلي روح الغاضــــريه
لو طلع وجه الصباح اشلون بـيه
خويه ياعباس يـــردوني سبيــــه
لو يشوفوني سبيـه شحجي للناس
وينه ابو السجاد وينه وينه عباس
كلبي ياخويه انكسر صارت العيله بخطر
