(مقدمه ام البنين)
والده تنادي اربع اولادي
فدوه فدوه لفاطمه
من وفه ام البنين الدنـــــــيه ترسملي صور
قدمت اربع ولدها ولارجــــــــع منهم خبر
اربعه وجنهم علي شمعتهم بكــــــــتر النهر
لفاطمه تواسي بدمعها وتنحب لكطع النحر
يلتواسيني اربع ابنيني
فدوه فدوه لفاطمه
حسبت لوقدمـــــــتهم يرجع الغالي الي
وسفه كلهم ما اجوني وبيتي ظل بلا ولي
تالي اكولن مو خساره فدوه للزهره وعلي
حسين ماخليته وحده يــــالزجيه اتدللي
قدمت ولدي واغله ماعندي
فدوه فدوه لفاطمه
والنعم وفتني ولدي وبيها ماضــاع الربه
بشروني وخبروني قـــــــدمو مـوقف إبه
كالو الحره العقيله بالســـــيوف محجبه
واوفو الزهره الزجيه وهذي اعظم مرتبه
ضحو ادماهم وانه وياهم
فدوه فدوه لفاطمه
سولفولي بزود جـــعفر كالب الحومه كلب
والخبر عبد الله ابنـــــي كاطع اعليها الدرب
عون صاير غيمه كالو وامطر بخوف ورعب
وكالو العباس ابنج شلّـــــــع اعيون الحرب
وارفعت راسي اغله كل ناسي
فدوه فدوه لفاطمه
لاجن الما رحم بيه وهـــالجرح اعظم جرح
كالو حسين بفكـــــدهم ما اله ناصر يصح
بياسبب روح الزجيه ضامي جبده وينذبح
داسته خيول آل اميه وراسه خلو عالرمح
ريت صابوني كبله ذبحوني
فدوه فدوه لفاطمه
من بعد هاي المـــصيبه يـــــامـــــصيبه تنحمل
حركو خيام العقيله وظل فكرهـــــــــــا منذهل
الخيل من هجمت عليها منها سحكو جم وطفل
وكالو اخذوها سبــــــيه وجتــــــــفوها بالحبل
من كبل زينب ريت اتسلب
