يـخـتـلف لونه هلالك يا شهر
مـا نـشاهد غير حسرات و قهر
****
أنـظـر إوداع و مدامع بالسمه
و أنـظـر إغيوم الحزن تمطر دمه
جـم ضلع تكسر بعد من فاطمه
غير ضلع اللي وره الباب إنكسر
***
آه يـا شـهـر الأبد مالك مثل
بـيك شاهدت السهم يذبح طفل
بـيك أشوفن نار و إخيام و جتل
تـدري بمصابك يفت حته الحجر
***
بيك أشاهد جود و إزنود و علم
عـالشريعه و عين مصيوبه إبسهم
و أنـظـر حـسين إنحنه من الألم
منكسر ظهره و يصيح إعله النهر
***
بـيـك أشوف حسين نايم عالثره
و الـشـمـر قاعد يحز إبمنحره
و الـمصيبه إشلون قطعوا خنصره
ليش مو كافي الضمه و قطع النحر
***
آه يـمـحـرم سبب كل لوعتي
و أنـظـر الـزينب تنادي يخوتي
إشـلـون عفتوني وحيده إبغربتي
هذا حالي و الكفل خدري إعتذر
***
مـن يـهل إهلالك الزينب أحن
و ألطم إعله الراس و أتحسر و أون
أبجي و أنعه و ألبس إهدوم الحزن
يـا هـلال إبزينب إشسوه الدهر
***
يـا شـهـر يالبيك زينب تنسبي
لا عـقـيـل إوياها ظل و طالبي
إتـلـوعـت بهلالك إعيال النبي
و الله مـن طـاريك دلالي إنفطر
