رجعت ايامج يزينب رجعت الآه
وسمعت صوتج يردد وا حسيناه
يزينب يزينب    يزينب  يزينب
***
من يجي شهر الالم   تحضر ببالي الخيم 
وتخطر ببالي صور     من انسبينه
يا شهر لا تقترب    بيك خدري ينسلب
ريت عيني تنعمي لمن تجينه 
محرم عليه الفرح من صغري محرم
محرم  وقلبي بكعبة المحنه محرم
اويل   ي من يمر بيه محرم  
اون واجري الدمع صبح ومسية 
ياشهر لتظن مصابك لحظة انساه
واسمعت صوتج يردد واحسيناه
يزينب يزينب    يزينب  يزينب
****
حسين اذكر قصته   حين حزوا رقبته 
والمصيبة تسحك بصدره الحوافر
يا مصابه ولوعته   بدمي تجري مصيبته
عالحسين الزهرة مكسورة الخاطر
يُسرنه البشر احنه حوائجها  يَسَرنه 
يسرنه  وخبر مسمعنه بالدنيا يسِرنه
الليلة تذكرت ساعة يسرنه  ذكرتها والصخر يبجي عليه
انا جم مرة صحت يحسين ويلاه
وسمعت قلبج يردد وا حسيناه
يزينب يزينب    يزينب  يزينب
***
من تراوتلي الصور  تذكرت يم النهر 
صورة العباس وجفوفة الكطيعه
انتظرته وما رجع  قلبي حسيته انفجع 
شلون عيني تشوفه مرمي على الشريعة
ولاني  الدهر بعدك يبو الغيرة ولاني
ولاني وحنيني لا حصل مثله ولاني
ولاني  لاني ابقى منتظره ولاني
اشوفك يا بو فاضل بين ادية
طايح ويه حسين والاملاك تنعاك
وسمعت صوتج يردد وا حسيناه
ذكرياتي بس دمع   ودمعتي تطفي الشمع
من تجي يالقاسم ببالي واذكرك
انا زينب عمتك  ريت اشاهد زفتك
الحنه صارت تالي من جموم نحرك
وحنيت  الك مشتاقه يالقاسم وحنيت
وحنيت  انكسر ظهري على فراكك وحنيت
وحنيت بدماك تحنت جفوفي وحنيت
جفوفك يبني من دم المنية
ريت انا انذبح يا ناس وياه
وسمعت صوتج ينادي وا حسيناه