يازهرتــــــي وأحلامـــــــــــي - - - عبد الله يبنـــــي الضـــــــــامي
بعدك حياتــي مره - - - - - - وبكلبي تسعر جمره
**********
ما يجف دمعي ولا شــبعت من أونيـــن
سهرانه روحي وتنظـــــــر لمهده العين
يموسد تراب اللحـــــــد ويا حســــــين
بالطف ذبحني وياك بســـــــهامه البين
وياك حزو نحــــــــــــــري - - - ونكســر كلبي وظهـــــــري
تسليني يبني العبــرة - - - - - - وبكلبي تسعر جمره
**********
عطشان يبني وبالســــــهـم شو منحــور
يلما وصلت من العمـــــر بس شــــهور
خليت دلالـــــــي بغيـــــابك مكســـــور
لو بأيدي أسكن يالولــــد يم القبـــــــور
ويصيــــر كبرك كبـــري - - - يوليــــــدي شــلي بعمـــري
وتوسد على الغبرة - - - - - وبكلبي تسعر جمره
**********
لعدها وحيد شــلون تســـــــلك بعـــــده
يحله بنظرهــا وفجئــه أبنــها تفكــــــده
تبقى حزينــــــة وتحس دوم بوحـــــــدة
والعين من كثــــر البواجـــــي رمـــده
بمصــــــابك الفجعــونــي - - - يبن وطفـــوها عيونـــــي
دلالي ياهو يصبــــره -- - - وبكلبي تسعر جمره
***********
محروم من شـــم الهـوى وشــرب المـاي
عبد الله يبنــــي وبيك ضيعوا رجـــــواي 
يا نبض كلبي ودكتــــــه وكل دنيــــــاي
شلون أحمل فراكه ومصــــابي و بلـواي 
مصاب العـــدة لســـلبوني - - - ودرب اليســــر مشـــوني 
شلت الألم والحســرة - - - - وبكلبي تسعر جمره 
********** 
نيرانه ظلت تســــــعر بـدلالــــــــــــي
كل ما أصد للمهد وألكـــــــاه خالـــــي
يبني ومصاب حســــين أبوك الوالـــــي
خلبص حياتـــــي وطشـــــراها أمـالــي 
شــلي بحياتــــي بعـــــده -- - وعلترب نحـــره وخــــده 
مهجة علي والزهرة - - - - وبكلبي تسعر جمره 
**********
يحســين بيك وبالطفـــــــل فجعونـــــــي 
بنار المصيبــــــــة وبالجمـــــر جونــــي
كثرت أحــــزانـــي بغيبتك وضنونـــــــي 
لكضيها نوح ودمـع وطفـــي عيونـــــــي
ماريـــد أعيش الأيــــــــام - - - ضلينه نســوه وأيتــــــــــام 
روحي بقت متكدره - - - - - وبكلبي تسعر جمره