يمه اودعچ ولوداع بلايه دمعه -- بالجن الله بروحتي يگتبلي رجعه
دمعتج تاذينـــي -- بدعوتچ ودعينــــي
بالجـــــن الله بروحتي يكتبلي رجعــــــــــه
***************
امتحان الطــــــف ييمـــــه وصعــــب درسه
والسؤال الخفــــت منـــــه أجـــــــه نفســــه
تگــــدر تودعها لمــــــك هســــــه هســـــــه؟
مو سؤال وجنــــه طبــــره براسي أحســـــه
لاترك موجود حتى اترك جوابه -- جيتج وحاير ييمه بهالاجابه
گاصدچ عينيني -- بدعوتچ ودعيني
بالجــــــن الله بروحتي يگتبلــي رجعــــــــه
***********************
لحظــه اوداع الاحبـــه لحظــــة المــــــــــــــوت
احس بنفاسچ الحسره أواضـــــح الصــــــــــوت
صوتهــــا العسكـــر يسمعه وماهــــــي بسكــوت
حسره بيـــه مــــــن تمــــــر تجوينــــي وتفــوت
حاير بيا جلمه اودعج ماكو جلمه -- روحي متطاوعني اودعچ يمه يمه
للصدر حضنيني -- بدعوتچ ودعيني 
بالجــــــن الله بروحتي يكتبلــي رجعــــه
***********************
جلمــــــة الله ويـــــــاك يمــه احـــلا جلمــــــه 
بلا دمــــع كوليهــــا حلوه وياهــــا بسمـــــه 
مــــــن اشوفـــــن بسمتج أرتــــاح يمـــــــــه
راحـــــــت الحاضـــــن ورد بيده ويشمــــــــه 
غالي دمعچ وانه شاريه بحياتي -- يمه ماريده يصب حتى بمماتي 
دمعتچ تجويني -- بدعوتچ ودعيني 
بالجـــــن الله بروحتــــي يكتبلـــي رجعــــه
*****************************
يمـــــــــه حيرنـي زمانـــــــــي بيـــــن الاثنيــن 
بينــچ ومابيـــــن يمـــــــــه نصرت حسيـــــــن 
أبقـــــــه يمـــــچ لــــــو اروح أنتــي شتشوفين 
أدري لـــو انــــــي بقيـــــت أنتـــــي الترفضين 
يمه أسمعي حسين هل ينده عليه -- هذا يوم البيه أكر عين الزجيه 
يمـــه لاتنسيني -- بدعوتچ ودعيني
بالجــــــن الله بروحتـــي يكتبلـــي رجعـــه
*****************************
مـــن يجيبونــي ييمــــــه براســــــي طبـــــــره 
تلكــــي ابوي ألمنكســـر لفراكــــــــي ظهــــــره 
صيحـــــي فدوه المنحـــــرك يحسيــن نحـــــره 
يمــــــه خـــاف يمــوت لــو شافـــج مكــــــدره
يمـــه لاتبجين لـــو رد الخيامــه -- يمـــه تتلكيــه ملكات النشامـــه
بشيلتـــچ غطينـــي -- بدعوتــچ ودعينــي 
بالجـــــــــن الله بروحتــــي يكتبلـــي رجعــــــــه
***********************************
يمــــــــه لــــــــو جتفــوچ مــن بعـــدي أسيــــره 
والضعـــــــن للشـــــام مـــن ينـــوي بمسيـــــــره
راســــــــي يبرالــــچ ييمــــــه بهــا الجزيـــــــره
لــــــو بجيتــــــي الــراس ينزف يمـــــــه غيـــــره 
لــو رجعتي بعد هالغيبه الطويله -- يمــه سلميلي على أختي العليله 
طلبتــي تعذرينــي -- بدعوتــج ودعينــي 
بالجـــــــن الله بروحتـــي يكتبلــــي رجعـــــه
***********