وَدّعـِتــْني – وَدّعـِتـْني === بالأمل يبني عفتني
دمعي أجريه إو حزينــــه === من عفت أرض المدينه
وَدّعـِتــْني – وَدّعـِتـْني
ــــــــــــــــــــــــــــــــــ
وَدّعـِتـْني إو زاد همـّــــي == يبني يحسين إبغربتي
والوفيـّه صار إسمــــــــــي == من كثر نوحي إو لهفتي
والوكت بسهامه يرمـي == حايره إبعيني دمعتي
ريت أفدي إو يجري دمـّي == ويـــــــّه دمـّك يامهجتي
ما نسيتك – ما نسيتك === مظلم إو مهموم بيتك
گلبي نازف من حنينــــــه === من عفت ارض المدينه
وَدّعـِتــْني – وَدّعـِتـْني
ـــــــ
فدوه لعيونك بنينـــي == ياأبو اليمـّه يغالي
يبني ذوبـّني حنينــــــــي == من بعد عينك يوالي
لا خبر منكم يجينــــــــــي == وإنــْشـِدَه مشغول بالي
ما أظن ترجع يعينــــي == ترجع أيـّامي الخوالي
ما أشوفك – ما أشوفـــك === بس تمـُر بيــّه طيوفك
أشكي آهاتي النبينــــــــــه === من عفت أرض المدينه
وَدّعـِتــْني – وَدّعـِتـْني
ــــــ
أرد أشاركها إبعزائـــــــي == زينب إو أبعث حناني
رايده تسمع ندائـــي == آني أم عباس آني
تعرف إبحبي إو وفائــــي == تدري ببني ما نساني
آني كـُل همـّي إو رجائي == يرفـــــع العباس شاني
كافل إلها – كافل إلها === أدري ببني كافل إلها
رحمة الباري التعينـــــــه === من عفت أرض المدينه
وَدّعـِتــْني – وَدّعـِتـْني
ــــ
لا نهار إو ليل عندي == كـُلها أيامي مـُظـِلـْمــَه
وإنكسر وإنهار ســـــدّي == صار وكتي إيسير أعـْمـَه
يسحگ الأحلام يـــــــردي == ما ت حلمي إو ذاب إسـْمـَه
ريت أنزل بيه لحـــــــدي == أترك الدنيه إو هاي رحمه
ياحبيبي – ياحبيبـي === آني آذاني لهيبي
روحي يم شخصك رهينه === من عفــــت أرض المدينه
وَدّعـِتــْني – وَدّعـِتـْني
ـــــ
مات حلمي بنتظـاري == ما تردّون إو تجوني
لوعتي إو لهبتها ناري == ذوّبت جفني إو عيوني
مظلمه صارتلــــي داري == بالبقيع أرسل شجوني
والألم بحشائي ســـــاري == من جفوني إو فارگوني
أنتظرهم – أنتظرهـــــم === لاخبر لاساعي منهم
أشكي آلامي العلينـــــــه === من عفت أرض المدينه
وَدّعـِتــْني – وَدّعـِتـْني
ــــــ
حلمي إولادي فــــــداءك == يا إبن سيد البريـّه
من يحل للحگ نــــداءك == آني أشاركها الزچيــّه
يهتفون إبخير لاءك == لاءك الهزت أميــّه
دمهم اليسبگ دمـــــاءك == ينزل إبفيض الحميـّه
يافدائي – يافدائـــــــــــي === بس إلك يبني ولائي
إنتَ سيدنه إو ولينـــــــه === من عفت أرض المدينه
وَدّعـِتــْني – وَدّعـِتـْني