دمعتي لغيابك حسرتي لمصابك
بوية واعتنيتك من اليسر اجيتك
***
للكوفة اجيت وآه يالكوفة متوني مورمة وبحبال مجتوفة
حميدة انه يبوية عليك ملهوفة اريد حالك بنته لمسلم تشوفة
بوية لو شفتني ماظن تعرفني
غايب ولقيتك من اليسر اجيتك
****
طفلة مجتفة والكيد ماذيني دليني على كبرك بوية دليني
ارحم دمعتي المافاركت عيني عطشانه وتراب النوح يرويني
ارتوي من اشوفك عالكبر واطوفك
وارتمي بحميتك من اليسر اجيتك
****
على قبرك اخذني الشوق يالوالي من بعيد يا مسلم تراوالي
رف قلبي على قبرك وانشده بالي وحك جرح اليسر مشتاقة يالغالي
بونتي ونحيبي بوية يا حبيبي
حايرة ولفيتك من اليسر اجيتك
****
ادك باب القبر ماجاوب ترابك يهون عليك بنتك واقفه ببابك
انهض يابوطاهر واحضن احبابك يخلي الله الدمع صبرني بغيابك
حايرة وغريبة بجمرة المصيبة
من الهظم نخيتك من اليسر اجيتك
****
