غسليها يا غاسلة ماني تحيرت بيها
طفلتنا لفاها الموت بس شافت راس واليها
كامت مدت الطفله على اللمغسل دمعها سال
وثياب الطفله بس شالت زينب خرت بهالحال
ولن الغاسلة تنادي يزينب بالله عذريني
يتيمتكم ترة مكدر اعاينها ترة بعيني
شفتها متونها اسودت يزينب بالله خبريني
شنهو البيها من امراض بيا سبة لفاها البين
ما اكدر اغسلها مريضة خاف يا طيبين
جنها مالمة بسياط دكولي ها يبعد العين
صاحت زينب بحركة يا حرة شعبتيني
هذي يتيمة المظلوم روحي وياها خليني
وهذا الي تشوفينه عنه لا تنشديني
بس تعثر نياك الكوم يضربونه شمال يمين
___________
