يتيمة الشهيد حسين رقية تصيح يا زهراء
جدي ساقي الكوثر وابوي ماشرب كطرة
____________
يا جدة الابو الهادي عند ما كرب نزاعه
بكلامه سرج وضمج بين احضانه بذراعه
وانا ما شوف من حسين اله تكسر اضلاعه
ماحد ضمني لصدرة غير الحنة والزفرة
____________
رسول الله كبل الوداع لصدرة يضمج بحبة
وانا تمنيت صدر حسين يضمني واكعد بكربة
لكن شفته يتعثر والمثلث خرك ظهرة
صدري بصدرة ما لكيت وخيول تلاكت بصدرة
___________
ياجده الابو الهادي كضيتي العمر يمه
وبعد موتج ابو الحسنين جسمج ضمه يم جسمة
كبرج يم حبيبج صار وعادت بالابو اللمه
وانا حسين ابوية يصيركبري بعيد عن كبرة
____________
عكب ما داسته الخيول مشت ويانه انفاسة
ومن كلت ارد ابوية حسين جابولي بطشت راسة
شفته مورمة شفته وشفته مكسرة اضراسة
ونحرة مو دمه تجري كوثر يجري من نحرة
____________
مسح بيدة النبي راسج وابوية خنصرة مكطوع
انا ودي احضنه لكن يزهرة مابصدرة ضلوع
ابوج توارى بس بوية ثلاث ايام ظل مصروع
بدال الفي والوسادة صار الشمس والغبرة
