<!-- google_ad_section_end -->

اعرفي انك لو نضفتي بشرتك كويس كل اسبوع هتتخلصي من معظم مشاكل البشره اللي بتقابلك طول الاسبوع (اسمرار البشره نتيجه الشمس او تراكم الخلايا الميته وبالتالي هنتخلص من الاتربه والاوساخ اللي بتسبب الحبوب والبثور السودا وتسيب بشرتك نضيفه وناعمه تماما)

ثاني حاجه معظم خطوات العنايه بالبشره بتتمثل في خطوات التنضيف -لو اتعلمتيها كويس يبقي عرفتي خطوات العنايه بالبشره مع اخيرا خطوة الترطيب وانتهينا -وده اللي بيتعمل في الكوافير بالظبط

_قبل مانبدء في الخطوات نغسل بشرتنا بصابونه كويسه او غسول مناسب لنوع بشرتك

خطوات تنضيف البشره والجسم بسيطه بتتمثل في 3 خطوات

فتح المسام _ سنفرة البشره او الجسم _ غلق المسام _ استخدام كريم مرطب

__ الخطو الاولي اولا فتح المسام ___

فتح المسام بيكون عن طريق تعريض البشره للبخار عن طريق حمام البخار او الجسم عن طريق الساونا

(الاجهزة دي بتكون موجوده في محلات الكوافير )

لو انتي في البيت بقي ...بنجيب حلة نمليها مية سخنه ونغليها ونحط معاها ملح اثناء الغليان وتحطي فوطه وتتركي مخرج صغير عشان تعرفي تتنفسي وتعرضي بشرتك للبخار 5 دقايق

للجسم بقي أملى بانيو او حتي نفتح ميه سخنه علي جسمنا علي قدر استحملنا خمس دقائق بالظبط

وننشف جسمنا بفوطة بعدها عشان نهييء بشرتنا او جسمنا للخطوة اللي بعدها


_____ الخطوة التانيه سنفرة  البشرة والجسم _

طبعا ممكن تشتري سنفرة جاهزة او جيل مقشر وتحطيها ربع ساعه وتفركي بشرتك ودي بسيطه

او السنفره بالمواد الطبيعيه اللي انا بفضلها لانها بتغزي وترطب معاها وتخلي بشرتك بلون وردي مع النظافة

___السنفرة بالمواد الطبيعيه __

بأستخدام الطمي المغربي او الترمس المطحون او الحمص المطحون او ملح الجسم (ملح الحليب )

بنخلطهم بماء ورد وزبادي او لبن ومعلقة صغيره ليمون -كلهم بمقادير بسيطه .

- لكن ملح الحليب بنستخدم معاه زيت زيتون وبيستخدم لبشرة الجسم فقط  لانه قوي

نتركه حوالي نص ساعه علي  البشرة او الجسم ثم نفركه كويس جداااااااا

__ممكن تكرري خطوة السنفرة اكتر من مرة لو لقيتي بشرتك لسه ماانضفتش _والاهم تكون بشرتك مش حساسه _

____الخطوة التالته غلق المسام ____

بأ ستخدام تونيك او قطعة تلج تمرريها علي بشرتك

لو جسمك افتحي ماء بارد علي جسمك لغلق المسام

-بعديها تنشفي بشرتك بالفوطه عشان الخطوة الاخيره

____ترطيب البشره _____

بكريم مناسب لنوع بشرتك

او كريم للجسم او لوشن

او لتعطير الجسم للعروسات ..استخدمي فازلين واخلطيه بزيت معطر (زيت الورد _زيت الفل .....)


وهتشوفي بشرتك بعدها وملمس بشرتك وريحتك اللي هتجنن


اعمليها كل اسبوع وهتلاقي نفسك عروسة جديده بالنسبه للمتزوجات _ولو عروسة وبتهتمي بنفسك ده اساسي كل اسبوع قبلها بشهر تقريبا مع العنايه اليوميه .

كده خلص الموضوع وحاولت علي اد مااقدر اجمع المعلومات بس لسه في دماغي كتيير عن طريق الاسئله هقولكم كله بأذن الله


__ملحوظه مهمه لنجاح عملية التنظيف

مااتشطفيش شعرك قبل السنفرة من الكريم او الزيوت عشان الجسم ياخد مفعوله من الماسك وينضف كويس
ويكون جسمك ناشف او مندي شويه بس<!-- google_ad_section_end -->