بالجمر تكوى .. بقلمي .. زكريا الشبلي .. شعر نبطي..البحر المسحوب..
أهواك دوم وأهوى طيوفك بقلبي
يا ريمتن فيها الحلا معتليها
والشوق على روحي أبد لا تخبي
يا مهجة الروح العليلة وفيها
إنت الهوى يا نسمة الطيب قربي
وانت الدوا لو رادها مبتليها
ما أحلى بعينك كحلها لو رمى بي
مثل المطر لو نارها أصطليها
إن شبت النار نور الليل بدربي
والبدر بوجهك ساطعن يحتويها
من ذكرك الفواح أتوهن بحبي
والروح تعافى بالومى ترتجيها
مع صبة الفنجان دمعي بهدبي
يا ريحة الهيل عبقت تشتهيها
لو طيفك الفتان بدا طاح كربي
واصبر على نار الوجد أكتويها
ناري أطفيها ونارك تشبي
بالجمر تكوى يالقلب وافتديها
