أكتوبر يا خير كتير ونعمه من ربى
أكتوبر يا حب كبير نبضه فى قلبى
على قدومك طلع النهار سلم على عنينا
على جناحك دار البدر بالورد حوالينا
وفى عيونك شفنا النجوم بالأخضر وبالبمبى
***************
أكتوبر يا تاج منقوش على راسنا بالمصرى
أكتوبر يا أجمل وشاح محفور على صدرى
سينا فى قلوبنا ومبارك والسادات بطولات
وللجنود اللى عايشين واللى مات ما مات
كتب التاريخ أنشودة للمسلم وللقبطى
وكبرنا وعدينا نجيب النصر بإيدينا
ورسم العبور للكل صورة فى الشرقى والغربى
****************
يا شهر عشرة فى عشر تيام أخدنا التار
وبقت عِشرة بينا فى الحارة جار مع جار
وتروح السنة وتيجى جايب معاك سيرة
من تلت قرن كان الحب فى ربوعك
وكان الحُسن فى اللمة وف الجيرة
وكان الود نغمة جميلة من عودك
خليك معانا يا بدر نغنى فى ربوعك
خليك معانا يا فجر نصلى فى شموخك
خليك معانا يا نصر جميل الحضن ف ضلوعك
ملايين تحية ليك يا أكتوبر وسنين سلامات
وفاتحة ورحمة ونور عليك يا سادات ودعوة بنصر وعزة لمصر بجنودك
المصدر: إعداد / تامر الملاح
م/تامر الملاح: أقوى نقطة ضعف لدينا هي يأسنا من إعادة المحاولة، الطريقة الوحيدة للنجاح هي المحاولة المرة تلو المرة .."إديسون"
نشرت فى 6 أكتوبر 2011
بواسطة tamer2011-com
م/ تامر الملاح
باحث فى مجال تكنولوجيا التعليم - والتطور التكنولوجى المعاصر »
ابحث
تسجيل الدخول
عدد زيارات الموقع
3,750,634
بالـعلــم تـحـلـــو الحـــيـاة
للتواصل مع إدارة الموقع عبر الطرق الأتية:
عبر البريد الإلكتروني:
[email protected] (الأساسي)
عبر الفيس بوك:
إضغط هنا(إني أحبكم في الله)
أصبر قليلاً فبعد العسر تيسير وكل أمر له وقت وتدبير.
ساحة النقاش