بقلم - الكابتن محمد حمدى
عمر : نادى دسوق فى مؤخرة الجدول،يا جيمى !
جيمى : إحنا لسه فى أول الموسم،يا عمر !
عمر : مجموعتنا سهلة،مُش صعبة؛أومال لوكان معانا طنطا،ولا دمنهور،ولا كفرالشيخ،ولا صيد المحلة.......زى زمان كنا بقينا فين ؟!
جيمى : الكابتن محمود خضر،مسك مدير فنى،وبإذن الله خير،بلاش تكسر التليفزيون يا عمر !
عمر : وممسكشى مِن الأول ليه؟!
جيمى : كسرت التليفزيون؛إهدى يا عمر !
عمر : مفيش فى رصيدنا غير نقطة،نقطة،يا جيمى !
جيمى : بإذن الله الرصيد هيزيد مع الكابتن محمود خضر،بلاش تكسر الراديو،يا عمر !
عمر : إتحاد بسيون،وسمنود،وبيلا.......اللى كانوا معانا فى التالتة،دلوقتى فى التانية !
جيمى : كسرت الراديو يا عمر،حسبى الله ونعم الوكيل !
عمر : المشاكل اللى بينا هية اللى عاملة فينا كده،يا جيمى،دا حتى مواليد 2012اللى بألعب معاهم كورة فيه عيال مِنهم عاملين معايا مشاكل !
جيمى : معلشى يا عمر،دا كان عندهم سنة فى فرحك،بلاش تكسر الفازات،يا عمر !
عمر : دا إنت متعرفشى بيقولوا عليا إيه مِن ورايا يا جيمى؛أومال الكبار بيقولوا عليا إيه ؟!
جيمى : كسرت الفازات،مِنك لله،الكبار بيحترموك،والعيال بتحبك يا عمر،على فكرة اللى عملك المشاكل دى معاهم أحمد الغالى،وبطل يجى خالص،هو قلبه أسمر،و العملية عنده واسعة شوية،بس صحابه مش واخدين بالهم !
عمر : إنت هتقول أسمر زى سلمى،دا واسعة عنده خالص،وصحابه مُش واخدين بالهم،يا جيمى؛أومال حال البلد هيتعدل إزاى ؟!
جيمى : قلبه أسود،إبعد عن النيش يا عمر،بلاش النيش،أرجوك،بلاش النيش !
عمر : دا عامل فيها غلبان؛ أنا خايف ننزل رابعة تانى !
جيمى : كسرت النيش؛إطلع مِن الشقة،يا عمر !
عمر : أسف يا جيمى !
جيمى : الشقة اللى هتجوز فيها باظت خالص؛حسبى الله ونعم الوكيل فيك .
(ملحوظة : تاريخ كتابة تلك القصة،ونشرها على الإنترنت،يوم الأحد الموافق 5أكتوبرمِن عام 2025م)
☺️☺️☺️⚽️⚽️⚽️☺️☺️☺️