بقلم - الكابتن محمد حمدى
صلاح : مفيش أى إستعداد للموسم اللى جى،يا على !
على : إزاى يا صلاح،والنادى متعاقد مع مدرب كبير زى الكابتن نبيل حلمى،والمجلس برئاسة الحاج عادل حسنين رجع تانى ؟!!
صلاح : أنا سمعت أن صيد المحلة إتعاقد مع الكابتن نبيل حلمى، يا على !
على : دا الكابتن نبيل حلمى مدير فنى بنادى دسوق،ومشرف على قطاع الناشئين،يا صلاح !
صلاح : نادى صيد المحلة إتعاقد معاه ؛علشان يمسك قطاع الناشئين هناك !
على : إزاى،يا صلاح ؟!
صلاح : مفيش فلوس فى النادى،يا على ؟!
على : مفيش فلوس فى النادى ؟! دا الحاج عادل حسنين رجع هو،والمجلس اللى كان معاه بعد فترة التجميد،دا الراجل مش بيبخل على النادى بحاجة،وكمان داخل الإنتخابات وبيصرف بسخى ؟!!
صلاح : اللى ماسك الأمور المالية اللجنة الثلاثية برئاسة الكابتن رفعت العادلى !
على : دا فزورة،يا صلاح !
صلاح : الله يسامح الدكتور أشرف صبحى وزير الشباب والرياضة،بقى هو السبب فى كده،رجع المجلس،ومفيش فى إيد المجلس حاجة !
على : يا نهار أسمر !
صلاح : نهار أسود على دماغنا،يا على !
على : دا فاضل على الموسم الجديد أقل مِن شهر،والكل بيستعد مِن بعد العيد !
صلاح : هيبقى موسم منيل بستين نيلة زى المواسم اللى قبله،يا على !
على : دا الجرب كان واصل لحد قفايا الموسم اللى فات لما كنا فى الرابعة،يا صلاح !
صلاح : هننزل رابعة تانى لو النادى فضل على كده ! هو وشك مالو،يا على ؟!
على : وشى مالو،يا صلاح ؟!
صلاح : وشك أحمر !
على : أحمر ؟!
صلاح : بقى أخضر، يا على !
على : هو أحمر،ولا أخضر،يا صلاح ؟!
صلاح : بقى أصفر،يا على !
على : وشى بقى زى إشارة المرور،وإحنا لسه فى أول الموسم؛أومال هيبقى عامل إزاى فى أخر الموسم،يا صلاح ؟!
( ملحوظة : تاريخ كتابة تلك القصة،ونشرها على الإنترنت،يوم الأحد الموافق 13يوليو2025م)
