كتب - محمد حمدى
الدكتور : أسمك إيه ؟
المريض : عبود .
الدكتور : إنت بتشتكى مِن إيه يا عبود ؟
المريض : أنا،والصُداع تقريبًا بقينا صحاب خالص،تصور يا دكتور،أنه بقى معايا الأربعة،والعشرين ساعة !
الدكتور : ألف سلامة عليك !
المريض : الله يسلمك ! هو أنا عندى إيه يا دكتور؟!
الدكتور : إنت جالك الضغط يا عبود .
المريض : أنا عندى الضغط ؟!
الدكتور : أه .
المريض : هو أنا عارف أشترى أكل؛علشان أجيب عِلاج كمان !
الدكتور : هو إنت بتنزل الأسواق،ياعبود ؟
المريض : أه بأنزل أتصدم فى الأسعار،وبأرجع البيت مصدع !
الدكتور : هو إنت مُش عارف أن المشى فى الأسواق الأيام دى بدون سبب ضار جدًا بالصحة؛علشان مشكلة إرتفاع الأسعار ؟ !
المريض : خلاص مُش هأنزل الأسواق بدون سبب تانى .
الدكتور : إنزل السوق لما تبقى عاوز حاجة بس .
المريض : حاضر .
الدكتور : وخد دوا الضغط؛علشان ميحصلكشى شلل،أو فشل كلوى .
المريض : هأخد دوا الضغط .
الدكتور : اللى جى أصعب،يا عبود !
المريض : يا ساتر،يا رب !
الدكتور : اللى جى أسود !
المريض : هو فيه أسود مِن كده ؟!
الدكتور : أه،وبكره تشوف !
😃😃😃😃
