يسرا : الله يرحم الجمهور يا أبو الكباتن !
كابتن عادل : كانت منورة المُدرجات ، والله ؛ أنا مُش عارف مِن غيرها هنعمل إيه ؟!
سوزى : الكورة مُش هيبقى ليها طعم مِن غيرها يا كابتن عادل !
كابتن عادل : عليه العوض ، يا جماعة !
يسرا : المُدرجات بقت خاوية ، يا كابتن !
كابتن عادل :طالما مفيش جماهير فنزرعها ورد، يا جماعة، أحسن ؛فأتمنى أن يكون مصطبة فيها ورد أحمر، والتانية فيها ورد أبيض، والتالتة نزرعها ورد أصفر ؛علشان يفتحوا نفس اللاعيبة !
سوزى : مُش معقول ؛أكيد حضرتك بتتريق، ياأبو الكباتن ؟!
كابتن عادل : دا احنا شكلنا هيبقى مسخرة فى العالم؛ هو انتوا لسه شوفتوا حاجة ؟!
يسرا : طب قوم روح، يا كابتن ؛علشان ترتاح !
كابتن عادل : معلش يا جماعة أنا هبات عندكم ؛ أصل أن إتشليت مِن اللى بيحصل فى الكورة فى مصر !
سوزى : شدة ،وهتزول أن شاء الله !
كابتن عادل : والله لو مخدناش بالنا مِن البلد فهتزول كلها ،وهتبقى المشكلة مُش مشكلة جماهير الكورة بس !
يسرا : دا الموضوع كبير كدا خالص ، يا كابتن ؟!
كابتن عادل : أكبر مما تتخيلوا ؛يا خونا، دا فيه صوابع بتلعب فى مصر، واحنا مُش حاسين ، دا مُمكن الصوابع دى تيجى فى أماكن حساسة !
سوزى : يا خبر أبيض !
كابتن عادل : دا خبر أسود ، ومنيل بستين نيلة ؛ دا إحنا الدولة الوحيدة اللى بتلعب كورة مِن غير جمهور !
(ملحوظة : لقد كتبت هذه القصة القصيرة ، ونشرتها على الإنترنت ، يوم الخميس الموافق 8أغسطس لعام 2013م)
