بقلم - محمد حمدى
مُرجان : أنا عاوز أعمل معاك شغل،يا أخ محمود .
محمود : دا هيكون ليا الشرف،يا أخ مُرجان !
مُرجان : الشرف ليا؛إنت شاب سمعتك كويسة .
دبور : مورجن هيعمل معاك صفقة القرن،يا عم الشيخ محمود !
محمود : صفقة القرن ؟!
دبور : أه؛مورجن هيدخل مصر هيروين يكفيها عشرين سنة قُدام هاهاهاها !
محمود : هيروين؛إنت عاوزنى أسمم الناس،يا أخ مُرجان ؟!
مُرجان : ما إنت بتاجر فى المُخدرات ؟!
محمود : أنا بأتاجر فى المُخدرات؛أستغفر الله ؟!
مُرجان : أه فى المُخدرات !
محمود : أنا عطار مُش تاجر مُخدرات !
مُرجان : هو البانجو،والحشيش عطارة ؟!
محمود : نعم،يا أخ مُرجان .
مُرجان : بقى البانجو،والحشيش زى الحلبة،والفلفل،والشطة ؟!
دبور : إضرب دى !
مُرجان : إخرس،يا فاجر،يا فاسق !
دبور : دا صاروخ أرض جو؛حشيش،وبانجو،فى سيجارة واحدة !
محمود : أنا لا يمكن أسمم زباينى بالهيروين،أعوذ بالله !
مُرجان : دا شنطة صغيرة مِن الهيروين،بتكسب أكتر مِن للورى حشيش،وبانجو !
محمود : أنا هأخش معاك العملية دى بس،يا أخ مُرجان؛علشان معزتك عندى !
مُرجان : أنا طول عُمرى بأقول عليك : "إنك خلبوص،يا أخ محمود؛بس مفيش حد مصدق ! "
محمود : بس دى أول،وأخر عملية أعملها معاك؛دا حرام !
مُرجان : اللهم قوى إيمانك،يا أخ محمود !
دبور : ولا حد يشك فيكم،مورجن رجل أعمال،ومدارى فى مشاريعه،و الشيخ محمود مدارى،فى دكنه !
مُرجان : هو إحنا لواحدنا اللى بنعمل كدا،ولا إيه ؟!
دبور : لا طبعًا؛دا مصر فيها زيكم كتير !
محمود : هل يوجد زواج شرعى فى تلك العملية مع أحد رجال السلطة،يا أخ مُرجان؟!
مُرجان : إطمن،يا أخ محمود؛جميع العمليات التى أقوم بها،بها زواج شرعى بين المال،والسلطة !
محمود : على البركة،نقرأ الفاتحة؛لكى ييسرَ لنا الله أمورنا .
مُرجان : نقرأ الفاتحة .
😄😄😄😄