البرد رافع ع الدفا
مليون قضية مستفة
وشهوده زور
فماتسأليش
ليه الدموع اتجمدت
و لا تسألي
ليه المشاعر نبتت من أرض بور
30 سنة مافهمتنيش
و لا شوفتنيش
غير بس ف كتاب البراءة المُطلقة
شاحت من الشمس الدفا
و 8 كيلو فلسفة
و جرام سرور
الشعر عُمره ما كان مُحال
الشعر حالة الاشتعال
ف عيون حبيبة مُرغمة
على رسم لوحة نــــار
و نــــــور
الفكرة طالعة مشوهه
و الصورة رافضة الفبركة
هو كده شعر الشتا
عطشان دفا
و حبة غرور .
ساحة النقاش