ايوه طعم الدنيا ماسخ
والوجود مليان تفاهه
لسه برضو الحزن راسخ
جوا روح مولود معاها
والحياه مش لونها بمبي
والزهق بقى عندي عادة
والقلق ساكن فـ جمبي
لجل ما تزورهوش سعادة
برق رعد وناس سخيفة
وكون ملل مليان نطاعة
فيه همج بوشوش مخيفة
وخلق فاكرة الكدب طاعة
واللي مش وياك عدوك
واللي مش وياه عدوه
واللی رش عکار فـ جوک
لجل يلقی عزاه فـ جوه
روح ملاک جواک بتسأل
إحنا جينا فأی دنیا
کل ما نقول بکرة تعقل
ييجي بكرة وهي ثانية
تيجي رايقه بـ وش أجمل
فجأة ترجع مرة تانية
بس لابسة كآبة أكتر
فاردة كل همومها غيمة
لجل ع الأوجاع تمطر
زيف بشر بقلوب لئيمة
وأنت برضو زي ما أنت
لسه بتلملم فـ جرحك
تنتظر قال بين دا كله
لما تيجي الفرصة تضحك
بس اديك عالحال دا ليك
ييجي فوق تلاتين سنة
فيه سعادة ونور عينيك
مرة عدت من هنا
ساحة النقاش