بيعزف و النجوم نايمة شعر أحمد إسماعيل

بيعزف و النجوم نايمة
_____________
... مهداه إلى صديقي / عبدالله صبري

ولد واقف علي كتاف الشموس بجيتار 
بيعزف للسنين تمشي و ما بتمشيش 
فينزف و القمر صاحي و كل الخلق مش سامعة 
يخاف تحدف عينيه دمعة 
ليصحي الحلم من نومه الخفيف جدا 
و يدن في بلاد الصمت و الترحال 
يشوط الرأي علي كيفه و ما يبصش لقلنا و قال 
ولد رافض حدود العصر و التصنيف 
كسوف البحر من قلبه بيظبط ضحكة التجديف 
بيكسر كل شيء ساند حيطان الخوف 
و بيعدي الزهور في الشارع الضلمة 
و ينسي يشوف 
لسانه طويل علي العالم / خجول مع أي معني جميل 
تناقض يشبه الكلمة اللي نازفة في الفرح مواويل 
صعيدي و دابح القطة لكل الكدابين فيها 
مالوش في قواعد العيشة اللي طعم الكدب ماليها 
مالوش فيها 
و مدبوح بالوقوف ع الحق لو واعر
ولد عيبه انه عايش في الحياة شاعر
____________________
#أغاريد الجيل الجديد #أحمد إسماعيل 
https://www.facebook.com/