أغاريد الجيل الجديد: نهائي "أوبريت نقول ألووو"
نقول ألو
وتقول: ألو ونقول: ألو
والبحر لسة ف أوله
والشعر مين هيموله
غير نخلتين من عشقهم
بـ "يفقروا" وبيميلو
وتقول: ألو ونقول: ألو
"نادى حافظ"
ونقول ألو يا نادي يا طعم الصهيل
ونقول ألو يا مصر يا أهرام ونيل
ونقول مساء الشعر و البوح النبيل
ونقول ألو للشمس ونبوس القمر
ونقول ألو ونعلم النوم السهر
ونقول ألو يا كل شيء حلو وجميل
"عبدالله صبري"
ونقول الو عبد الله ياالركن المهيب
يا سر خلطة شعر تكوينه عجيب
ونقول الو جامد فتنزعج الحياه
ويقوم وليد الفلسفه صف انتباه
ويفيد بايه البحتري رأي المقنع
ونقول الو يا بئر ليه واسع و deep
"شامل العزيزي"
ونقول ألو يا عم شامل يا عزيزي
يا كلمة صعبة فــ سطر سهل كتير و " إيزي "
ونقول ألو بشويش فتندهش الحياة
إحنا اختزال شكل الصمود فوق الجباه
احنا اصطدام البحتري بالانجليزي
ونقول ألو يا عقل ليه الكون" Crazy "
"عبدالله صبري"
ونقول الو يا شحاتة فكري يا ابن عمي
الشعر تكعيبة حضور بتداوي همي
الجرح دا مش جرحي بس الدم دمي
يا هم ليه واخدانا علي كيفك مقاولة
وان قلنا باي بتقول ألو لأ لسا جولة
يا أي حتة وأي حاجة واي دولة
الحلم واخد م الحياة 100 رانديفوووووووووووووووو
يا مشغولين هاتوا الحمام و طيرووووووووووووووووه
دا الفاضي بينقط بدمه وحزن ابوووووووووووووه
من غير حرارة أو خطوط هنقول ألووووووووووووه
"عبدالله صبري"
ونقول الوه يابن الأصول متشكرين
عبد الله صبري أبو ضحكة صافيه فـ كون حزين
..مين دا اللي يقدر يجرحك ف الدنيا مين
ملعون أبو اللي يزعلك ملعوووووون ابوووووه
ونقول الوه آه يابن عمي نقول الوووه
"شحاتة فكري"
ونقول ألو يا صبري يا رب القلم
يا ضحكة طازة لعشقنا تنفع علم
والشعر مش كلمات بتنزف من قلم
الشعر صرخة نور في حنجرة العدم
وأنا وأنت ايه في الشعر غير روحين شقايق
واما الحقايق تنكتب تحفظنا صم
ونقول الو
"نادى حافظ"
ونقول ألو يا نادي يا حافظ يا شاعر
الدنيا زحمة بس ليه الــــ " كرسي شاغر "**
ليه الصخور واقفة علي قلب المشاعر
والحزن ليه أسهل كتير و الفرْح واعر
ليه اللي بيسيب الطابور بيسحلووووووووووووه
طاب أي حد كان هناك يقول ألووووووووووووووووه
___________________________________
**(كرسي شاغر ) .. عنوان ديوان للشاعر / نادى حافظ
"عبدالله صبري"
ونقول ألووو
لسه القمر صافى
يتأمل في اوصافى
في الغربة و انا غافى
غناى في المواويل
"نبيل صبري"
ونقول ألو يا شعرا حلوين باندهاش
بيغنوا للحلم اللي خاصم فجرهم
وكتير مجاش
ويحايلوا فـ الضحكه الكئيبه
و يرسموا بسمه ببلاش
انا بعشق الحرف الجميل
و فـ ضله أجمل معنى عاش
"شاهيناز فواز"
ونقول الو يا عم شحات الغرام والفن
يا موزع الفرحة ويا مداري الشجن
يا كلمتك قوة على كل المحن
دايما كلام الطيبين بنصدقووووه
ونقول الو ونقول الو ونقول الوووووووو
"شامل العزيزي"
ونقول الو يا مكسرين قلبى الإزاز
نادى و شامل وابن صبرى دول عزاز
وشحاتة فكرى والجميلة شاهى ناز
شحات يا سعد مسِّى ع الرائع نبيل
ما بقتش عارف ايه حقيقى وإيه مجاز
ينعل أبو الشعر اللى مش بتألفوه
غصبن عن اللى يمر من ناحية طريقكوا يقول ألووووووو
"ياسر رزق"
ونقول الووو يا صحبه لمه المبدعين
سامع ضجيج صوت القمر بيقول
امين
يا معلمين الحرف يبكي م الفرح
ويقول شابوه
قلمي يخاف يكتب كلام لتوهوه
ونقول الووو ونقول الوووو ونقول الووو
"حازم القاياتي"
ونقول ألو يا فنانين يا مبدعين
صحبتكو حلوة وتشرح القلب الحزين
يا طيور بتبعت للقمر بوكيهات حنين
يا مغرمين بالنور قوي و بتعشقووووووووووووه
ونقول ألو ونقول ألو ونقول ألوووووووووووووووووووه
"شحات فكري"
_________________
تتقدم صفحة أغاريد الجيل الجديد وقناة نبض مصر بخالص الشكر والتقدير إلى الشعراء الذين شاركوا في "أوبريت نقول ألووو" مع تمنياتنا لهم بمزيد من التألق والعطاء والإبداع.
ساحة النقاش