من وحي مقولة أم الشهيد النقيب / ضياء فتحي
" ولا ألف شهيد راح يكسر مصر "
آ ه يا أبني
ولا واجع قلبي
غير إن في يوم
ماتكون جنبي
واللي مصبرني
رضا ربي
وتكون لي شهيد
تتشفع ليا ولاخواتك
و ابوك واخوك
حتي حماتك
راجل من يومك لمماتك
اوعاك تنسانا بدعواتك
زغروطة ورنت في الدار
بتقول شهداءنا الاحرار
ما في يوم غدروا
ولا يوم خانوا
دي دماهم غاليه وأطهار
ابنك في عنيه ها اربيه
والخالق هو اللي حاميه
حتي ف مدرسته وكراسته
رسمك علمه ومنار يهديه
آه يا أبني ياواجعني فراقك
كل اللي ها اقولة با اشتاقك
وها ردد كلمة كانت غنوه
دايما بتقولها بحب وفخر
ولا ألف شهيد راح يكسر مصر
