بعيد عن كون انا مين وانت مين ..
ده كلام حد من اياهم ..
مين هو ..وفين هو ..مش ده اللى يهمنى ..
المهم ده اللى انا متخيله انه يكون تفكيره ..
اسيبكم تتابعوا قراءه الكلمات ..
والبقاء لله فى كل من دفع حياته ثمنا لكى يحيا غيره على ارض مصر ..
وتبقين انتى يا مصر كل شيىء ..
ومن يعاديكى ...لا شيىء ..
...................
....................
ما تخنقنيش بكلامك فى الشارع او اعلامك ...
هما كلمتين تلاته اربعه ..يا اقنعك ...يا اقتلك ..
وكل يوم اخلى حياتك تشوفنى فى حلمك افجرك ..
وشويه شويه تمنع نفسك تروح شغلك او جامعتك ...
وكمان مدرستك لا زم تقفل واخوفك وارعبك ..
انا مش اخوانى ولا حقانى ولا قسيسك او شيخك ..
انا حد تانى شايل جوايا ليك حقد وكره وغل لاولادك واحفادك ..
انا حد ممكن تكون عارفه وممكن متعرفوش بس بكون دايما قدامك ..
ممكن اكون شويه مسلم ..وشويه قبطى..مش هتفرق معايا بالنسبالك ..
ادخل كنيسه اصلى ..واروح الجامع اسجد واشكر وتلاقينى بدعيلك ..
بس اللى جوايا ليك دم وسواد اكتر ما يوصلك فى خيالك ..
انا الفتنه اللى مش تنتهى الا وانا شايل بايدى جتتك واكفانك ..
واوعى تفكر انك هتقدر تسكتنى وتدمرنى ..
ده انا لو بايدى كنت قتلت كل الشعب واقعد انا لوحدى على ارضك وبابك ..
احمد قمر
صانع سلام
