ليه الدنيا فارضة على الهم 

وحزن كبير ما يتوصف ولا يتلم 

لا شايف طاقة امل 

ولا حضن دافى يضم 

الفرح معاندنى 

والهم راكبنى 

ولا لاقى خال ولا عم 

بحلم والحلم 

فى كل مرة يتبخر 

وكل ما افصل توب 

عليا يقصر 

ويدهنى الزمن بلونه الاغبر 

الضحكة تايهة منى 

ودمع العين ملازمنى 

كأنة فى دايرة مقفولة 

بترمى ولا مرة ضم 

طعم الحلق بقى علقم 

والليل كل مادا بيطول 

والروح من جوايا تهرب 

مطرح ما اروح وارد 

وقلبى رايح جاى 

اسأله مايرد 

قنديلى مش والع 

وحظى مش طالع 

ونجمى مش بارع 

كل ما ابنى الدنيا تهد 

ابو العبادى