كل الشعب فى مصر عساكر
يا للى بتشتم .. يا للى بتسخر
ومنتاش قارى .. ومنتاش فاهم
كل الشعب فى مصر عساكر
كلنا فدى مصر
ولا هنسيبها ولا هنغادر
ولا هنحكم فينا خسيس
وعلينا جاير
حامين الهرم ويا النهر
حامين الدين ويا العرض
اصل الروح والفدى
عند المصرى رخيصة
ولا تستاهل
يا للى بتشتم .. يا للى بتسخر
أحنا خير جنود الارض
أحنا كنانة دروع للحرب
نبنى نعمر
ننزع شوك الارض
لا بنسلم ولا بنغامر
ولا من الموت يوم نتهد
يا للى بتشتم .. يا للى بتسخر
أوعاك تنسى وخليك فاكر
يا بليد الدكة روح ذاكر
أصل الشعب فى مصر عساكر
أسأل مينا .. أسأل احمس
أسال خوفو .. أسأل خفرع
وأبن العاص .. والقائد بيبرس
و لآيوبى فى يوم كان فارس
وجالوت ويا المندب
وعرابى لما رفع المدفع
وناصر خلى العالم يركع
وتراب سينا علينا شاهد
حتى أسأل غولدا .. ويا كيسنجر
وأسأل شاذلى . وأسأل منعم
ضحى بروحه وكمان اكتر
أسأل مارية زوج محمد
وأسأل أسيا وامنا هاجر
يا للى بتشتم .. يا للى بتسخر
اوعاك تنسى .. وخليك فاكر
يا بليد الدكة .. روح ذاكر
كل الشعب فى مصر عساكر
ابو العبادى
