خواطر بعنوان : حلم الشباب )
عقار عروسة عربية .. شهادة عليا جامعية
وبعد عشرين عام كاملة .. عايز وظيفة اميرية
ونفقات زواج شرعية .. ومقدم وشهادة طبية
وبعد انتظار مولوسعيد .. تبدأ الحياة الاسرية
اطفال علاج ودراسة .. مصاريف وكتب خارجية
وكهربة وغاز ومية .. ملابس واماكن ترفيهية
غير الدروس الخصوصية .. وحاجات كتيرة منسية
وطلبات معيشة يومية .. نت ومناسبة اجتماعية
شباب و شايل مسئولية.. وربى اعلم بالمهية
الربع مصاريف شخصية .. والنصف قيمة ايجارية
والباقى التزامات رمزية .. نظافة ومواصلات خارجية
تورتة حلوة وتسلية .. قرض وسلفة نقدية
بفائدة سبعة فى المية ... ده غير مصاريف العربية
او حاجة عطلت فى المنزل... وصنايعى عايز نقدية
ومصروف يومى للاطفال ... ووظيفة مش مكفية
ووظيفة تانية وتضحية ... وربك بيعين ومقضية
لعبة طفل بعشرة جنية ... ورسوم دخول اضافية
بنشوف اماكن اثارية.. ودار السينا المصرية
ونوادى والعاب رياضية ... وسياحة وخضرة ومية
الموظف عصب الحياة ... ننهض بحالته المعيشية
هتزيد البورصة والاقتصاد ... وتزيد السياحة الداخلية
بنبنى مشروعات ومصانع ... وطرق ومساكن اجتماعية
وبنصبح على مصر بقوة ... بلد حضارة وشباب عفية
رئيس من ربى هدية ... قائد قوى وشال المسئولية
فخر لكل مصرى وعربى .. وحظى بالحب والموافقة الدولية .
صارح شعبه بكل حاجة ... ورفع احوال الموظف المعيشية
وحقق انجازات وشق قناة ... وطموحات ونهضة لسه جاية
المطلوب نصبر ونعمل باخلاص ... لاجل خير واماال مصرية.
بقلم/ محمد عباس معلم الاسماعيلية
