ياخوى ............................................... بقلم الشاعر/ عمر علي حسن

ياخوى فطمنى ع الفوله 
؛؛؛؛؛؛:؛؛؛؛؛؛:؛؛؛؛؛؛؛؛؛؛؛:؛:؛:باللهجه الصعيدى 
قلوبنا من القرف ملت 
عقولنا التانيه موحوله 
ف كام فكره بتقتلنا
وآهه بآهه موصوله
اخرهاشباب ورا القضبان 
وحره بقهره مسحوله 
ياخوى فطمنى ايه معنى 
حكاوى عن امنا الغوله 
سمعناها ف صبا تايه 
وكل ابوبه مقفوله 
ياخوى فطمنى ليه نسرق 
عشان ناكل 
وليه سكتنا ترسمها عيون حوله 
ما فينا العقل 
وفينا الروح 
فليه احلامنا مقتوله 
وليه كل اللى بينا جراح 
واوقتنا فى عز فضانا مشغوله 
محدش فينا بقى طايق
ولو بالهمسه... يضايق 
ملامحه تقول مهوش رايق
ولو يضحك 
تحس الضحكه منحوله 
كلامه بيبقى بالتيله 
دا طافح هم بالكيله 
كتير شايل.. دى مش شيله 
تخلى مفاصله محلوله 
يقولوا الخير على قدومنا 
فنحلم ان دنيتنا 
خلاص راح تبقى معدوله 
اتارى بيشحتوا هدومنا 
يبيعوا ويشترو ف العرض 
ويقتلوا فينا لو لومنا 
ويبقى مكانا تحت الارض 
حياتنا لكلب موكوله 
ياخوى قولى وطمنى 
انا ع الحق 
وحق بحق اثور واهتف 
بقولة لأ 
ياخوى قولى وفطمنى 
دا عمر القلب لا ف يوم لان 
ولا ف يوم رق 
سكوته بيشتكى سكوته 
وموته نبض 
لو كان الامل موته 
دا مش هيخاف 
لان الخوف بقى يهابه 
وصرخته سهم فى جوابه 
انا وطنى سجين مش حر 
انا وطنى سجين مش حر 
ياخوى فطمنى ع الفوله 
دا مين فينا اللى كان على حق
‫#‏الاثر_المفقود‬