جارى التحميل
استخدم زر ESC أو رجوع للعودة
وتعتب ع الزمن ونلوم
تكون ظالم
وتعمل فيها واد مظلوم
دا ظلم النفس بقى حرفه
كتير تشبع !!!
وغاوى تعيش
فى دور محروم
تسوق فيها العبط ع الكل
بقلب حزين وبال مهموم
وازمه بتبنى ورا ازمه
ومش بتعدى -مقصوده-
وهات ياهموم
فى ليل رغم انه بيقصر
تحسه طويل
عشان مقاديف بتتكسر
كتاف من حملها بتميل
وفكر يكون كطير شارد
ف وسط نجوم
على شط الامل بارد
مفيش حركه ومش بتقوم
وموج الصعب ما تصده
عشان كاس الهوى مسموم
بلاش تبقى طريق مفتوح
وخلى اشارتك الحمرا
كنسر يحوم
بلاش تجعل دواك المر
وفرحة قلبك الدمعه
بلاش تهرب بخوف او نوم
وصحصح بس للدنيا هتفهمها
مفيش فيها جسد معصوم
#الاثر_المفقود
مجلة ۞ أكَََـاديمـيـــة المـلـاذ الـأدبـيـــه ۞
...
رئيس التحرير أ/ خوله ياسين
......
رئيس مجلس الإداره أ/ ياسر السمطي
