قتلتـها ........................... بقلم الشاعر / صابر الطــوخي

اسآلكـم الدعــاء لوالــدي رحمـه الله 
بقلمى// صابر الطــوخي
آيوه يابنى قتلتـها وإرتحت من شرهــا
وسلمـت نفسـى للنيــابه
آيــوه يابنى إحتقـــرتها 
من قســـــوتها وجفــاهــا ومكـــرها
علشان ضيعت ناس كتير آوى غـــلابه
لفيت الحبــل علـى رقبتـها وخنقتها
ومسكت السكينه وبئديا دول دبحتــها
لما حسيت إنهـا خلاتنا ناكل ف بعـض
زى الوحــــوش ف غــــابه
ايــوه يابنـى شــــربت مـــن دمهــــا 
لانها رأس الآفعـــى وزعيمه العصـابه
كرهتها لما لاقتهاعايزه تحقنى بسمها
وبتشــد ف قلــبى من بيــن ضلوعـى 
ونفســـها توزعـــه علــي الــــديابه
بس للآســف يابنــى فيـــه بشـــــر
ماشى وراها وبيسمع كلامها بكل غرابه
لكن انا بعتـها وارتحــت من حملــــها
ومـن الهــم والحــزن والجـرح والكآبه
بعد ماقالولى اصبرعليها يمكن سحابه
فتحـت بطنـها، ايـوه فتحـت بطنــها
لقيت اولهــا طـين واخــــرها تــراب
دوست على رسها ،ايوه دوست على رسها
وده كـان ابسط جـزاء واقـــل عقـــاب
لما لقيت الغــدر بقــا مـن طبعــــنا
والإخلاص والوفاء بقى من طبع الكلاب
لما لقيـت ناس ساكنـة تحــت الآرض
وناس عايشه ف قصـور فـوق السحـاب
لمــا لقيت ناس بتمـوت من الجــــوع
وناس كرهــت شكــل اللحمه والكـباب
وبكيـت عليـــنا،ايوه بكيــت عليـــنا 
لما لقيـت القــوي بياكــل الضعيــف
والشيطـــان له فيـها أكــبر منــــااب
لما شوفـت ناس بتعمر وناس بتدمــر
وناس بتقول يالا حـى علـى الخـــراب
لما شوفت ناس عطشانه وناس سكرانه
وناس بتموت من كـتر الخمره والشراب
وضحكت ،ايوه ضحكت
لمـا عــرفت إنهـــا متســاويش عنـد 
اللـى خلقــها جنــاح بعـوضه أو ذباب
وفرحت لما عـــرفت 
اننا كلنا هنقف قـدامه يوم الحســاب
وممنوع حد يتخلف او يتاخد غيــاب
بقلمى//صابر الطوخى