(عنوانها الحياه)....قصة قصيرة
بلف وادور بفرح برقص باغنى..بحس بإحساس حلو أوى..حاسة إنى زى الطير بيرفرف بجناحاته فى الهوى لا حد يقدر يلمس جناحاته ولا يوقفه عن الطيرانولا يقوله انزل عايزك.
حبيت النفس الطيب جوايا.
حبيت إنسانه حلوة خلقها جوايا الزمن حتى الزمن اللى خلانى إنسانه حبيته.أيوه بعشق الحياه بعشق كل شىء فيها.
نفسى مرتاحة راحة ما بعدها راحة.
مش عايزه اقعد مش عايزه اقف مش عايزه اقوم مش عايزه أقف مش عايزه حاجة من الدنيا حاساها كلها معايا.
عايزه بس أغيب عن الدنيا فى دنيا تانيةعايزه أغيب عن الحياه من غير ما أغمض عنية لاء عايزه أغمضها ثوانى من كتر ما انا مشتاقه ليها أفتحها تانى.
واشوف الدنيا حواليه واشوف نفسى أحلى واحدة فى الدنيا .
تعالى افرح تعالى ارقص معايا تعالى غنى للحياه تعالى عيش معايا نفس إحساسى .
مش عارفة بحلم ولا صاحية مش عارفة حقيقة ولا خيال أهم حاجة إحساسى براحة ما تتوصفشأهم حاجة إنك مشاركنى نفس الإحساس أهم حاجة إننا بعيد عن كل الناس أهم حاجة إنى محتجالك تكون جنبى وفعلا إنت جنبى صح عمرك ما هتسيبنى؟؟؟؟.
مش انا اللى بتكلم ؟؟؟؟!!!!!!ده الباطن الباطن يعنى الواعى بكل شىء يعنى إدراك يعنى الشىء المستخبى وما نعرفوش يعنى يظهر وقت اللزوم .
شوف وبص حواليك وحوالية....شوف الدنيا حلوة ازاى حلوة لما تجمعنا سوى أيوه إحنا سوى.
شوف !!!ما فيش ناس بتبص علينا ما فيش عزول ما فيش غيرنا هنا إحنا هنا إحنا وبس.
أنا فين وانت فين؟؟؟؟احنا مين ولفين رايحين ؟؟أصلا اصلا تهت.
بحب نفسى وانا تايهه معاك.
إانت ليه بتبتسم وبتبصلى وما بتردش عليه.
إنت مش عاجبك كلامى ؟.
إنت أصلا سامعنى ؟.
تعالى تعالى اسمع !!!اسمع كمان قرب ...قرب كمان الله صوت موسيقى حلو أوى ده صوتى وبيغنيلك بس مش عارفه الصوت جاى منين .أغنيه حلوة أوى كتبتهالك من سنه وانت مش معايا كتبتها وكان نفسى تسمعها.
سامع شايف ناس بتصقف لنا جايين علينا بيمدوا إيديهم بيسلموا علينا .
حبيبى هم على إيه بيهنونا ؟؟
حبيب قلبى إنت ليه مش بترد عليه.
حبيبى بص عليه.
حبيبى اتكلم.
أنا بتكلم
أنا سامعه دقات قلبى فين صوت دقات قلبك؟؟؟
وأدركت ما فيها لتصرخ صرخة عاليه دوت لها الأرجاء أرجاء المكان الذى جمعهما سويا لتبقى فيه وحيدة طيلة عمرها تنام وتستيقظ على أمل انتظاره دون عوده ..نهارا تبكى وليلا تحلم..وحياة تمر دون وعى أن تنام.
بقلمى // الهام شرف
