مالك يابحر!
مالك يا بحر لون ميتك غامق ووشك ليه كــــده كــالح
وموجك علينا يا بحرليه كده عالي وفي شطــــنا طايح
ردالبحرأيووه من كلامك يابن آدم ومــن لســانك الجـارح
رغم أنا البحر إنما كـــلامك إنت اكتر من مــيتي أنا مالح
يا ماجيت غسلت في ميتي همومك وأناراضي ومسامح
يابحرعلمني حكمتك قال اللي جاى أكترمن اللي الرايح
خليك مع ابن الأصول اللي دايما باللي في قلبه بيـصارح
ولا يخدعك الخسيس حتى ولو حلف بالله بإنه لك نـاصح
خللي بالك ما يتحدف الحجرإلاالشجراللي بفاكهته طارح
حتشوف اللي بتعمله النهاردة واللي عملته إيدك إمبـارح
لايغرك المال ولا الجمال ولا السلطان ده كله زايــل ورايـح
واطلب السترفي دنيتك من ربك ده يا ماسترلعباده فضايح
وإلحق ياذكي توبه بلا خيبة قبل ماتكون بسر الحيــاة بايح
محمد ابو الفتح............
