ضربت الودع
(لهجه صعيديه)
ضربت الودع
اول ماقال الودع
قالي الوداع
قالي ما تبكي يا جدع
سهمك فى الهوى متباع
قالى حظك فى الدنيا اتصرع
ماباقى فى صفحتك غير اوجاع
قلبك رماه موج الهوى
ع الشط مرمي لا حد مشترى ولامتباع
قلت:عارف ان قلبي اتخدع
قال:ما الطيبين نصيبهم دايماً خداع
كمل يا ودع..
قالى اكمل ايه!!
فرحك فى دنيتك اتشنق
وقلبك م الحزن مليان أصداع
لا حبيب مقدر الوجع
ولا انت قلبك حمل آلم
حبيب يكون بياع
قلت أنا: وعادى
قالى الودع:يا جدع
نجرب تاني
يمكن اكون غلطان
ضحكت لما سني بان
قلت من قبل ماترد ياودع
عارف..
انا الخسران فى بحر الهوى
أنا الانسان عايش بيومه
والقلب فيه ندمان
أنا اللى مراكبي تايهه
لا ليها مرسى ولا عنوان
جرب مع حد تانى ياودع
لايكون شرب مرار
ولا قلبه يوم اتوجع
روُح ياودع
أصبر يا جدع
متكملش يا ودع
عمرك شفت ميت قام وراح لمكان
حظى مات
فرحي مات
ضحكي زي همي سكات
أمانه يا ودع
لما تقابل حد زيي
إكذب!!
يمكن يعيش له فرحه ساعات
ودي وصية قلب مات
