فى شهر ربيع
فى شهر ربيع من كل عام *** بيبدأ عندنا مولـــــــد
وتتزيـــــن شوارعنا *** وتلقى العهد يتجـــــد د
وأنواع الحلاوه تــزيـد *** ونهج البردة تتــــر د د
وناس على الربابة تقول *** وتمدح فى النبى أ حمــد
ولما يعدى تلت الشهـر *** يومين وكلـــه يتبــد د
أنا مش بنكر الفرحة *** بميلاد سيدنـا ونبينــــا
أنا قصدى أقول ياناس *** بيعمل ايه الميلاد فينــــا ؟
مشاعرنــا بتتبلـد *** ولا صمنـــا وصلينـــا
ولا بندرس فى سيرته ولا *** بنفهم قالت ايه لينـــــا
ياأهل البدعة كفاياكم *** قضيتوا عليكوا وعلينـــا
وليه بنكتفى بحلوى ؟ *** وننسى حلاوة الأخلا ق
وييجى كل عام مولد *** نقابله مقابلة المشتاق
وحالنا هو نفس الحال *** بنتحاور لكن بخنـا ق
مابين منكر وبين راضى *** ياريتنا نعبـد الرزا ق
وناخد من كتابه حلول *** واكبر مشكلاتنا نفاق
وسنة صاحب المولد *** بشوفها كل عام بتموت
مظاهر كل عام تصحى *** وترجع بعدها لسكوت
وايمته الذكرى تحيينا ؟ *** أنا خايف زماننا يفوت
ولا اتقدمنا فى الدنيا *** ولا بالدين بنينا بيوت
ياريت السنة فى حياتنا *** تكون زى الهوى والقوت
ناقشنى قول لى بصراحة *** عملت ايه لإسلامك ؟ ؟
وعايش ليه فى دنياتك ؟ *** وايه هدفك وأحلامك ؟
عملت ايه عشان تقضى *** على ألمى وآلامك ؟
وهل يرضيك مذلتنا ؟ *** قاعد بتضيع أيامك
عايش بتحب وتغنى *** بقيت غرقان فى آثامك
تصور لو رسولنا يعود *** ويمشى فى شوارعنا
وينظر فى مساجدنا *** ويدخل مرة فى بيوتنا
تخيل يبقى حاله إيه؟ *** وفكرك يومها يعرفنا ؟
لابد هيبكى بدموعه *** ندوب لما يعاتبنــا
يقول دى سنتى فيكم *** ونسكت من فضايحنا
لابد الذكرى تحيينا *** تغيرنا الى الأفضل
ويبقى احتفالنا بيه *** بتطبيق سنته أكمل
يعيش فينا ونشتاق له *** أظن ده الاحتفال الاجمل
ساعتها تنهض الأمة *** وعزتها تكون أشمـل
ولاجل تعود مهابتنا *** لابد كلنا نعمــــل
لابــد كلنـــــا نعمــــــل
حسن رمضان ـ كبير باحثين بالوعظ بالأزهر الشريف
