صرخة الم
آه آه
بصرخة آه يا زماننا بنبكى ونشـكى ونـــــتألم
دمع الالم علي الخدود سايل من الجرح ومعلم
ماعدش فى الفراق حيلة ولازم نرضى ونسلم
وماعاد اللســـــان فينا قادر ينطـــق ويتــــكلم
إلا بصرخة آه
آه آه
بكينا كتير وكتير وما فى يــوم ريحتنا دمـــوع
سنين بتفوت ومالها فى العمرتانى رجـــــوع
سنين وسنين والهم فى دمع العيون منقوع
وسنين وسنين والقلب من الفراق مـــوجوع
ولسة بيصرخ آه
آه آه
ألوم عليك يازمان والا ألوم تانى عـــلي نفسي
واشكى لمين طعم مراردايب فى كاس يأسى
بعدسنين العمرماضاعت فهمت ياناس درسـي
درس ودرس الحياة قاسى مكتوب عليه إسمى
درس عنوانه الفراق ويبدا بكلــــــــــمة آه آه
….. محمد ابو الفتح
