فاكر أول مرة سمعت وقلــــت كلمــــة بحـبك
يومها من فرحتي دمعتى سالــت على خـدك
ونبض قلبي بقي صدى صوت لنبـض قلـــــبك
كف إيدي كان بيحضن بكل لهــــفة حب كـفك
يومها رميت راسي وأنا فرحان على كتـــــفك
وأقولك بحبك وأغني بحبك
يومها كان في الســما نجمة بتـشاورعلينا
يومها كان كل فرح في الدنـــيا بين إيـديـنا
القمربنوره بيحضن حلمنا ويكـــــحل عينينا
وفراشة بيضا بترقص والزهـــــــــر حواليـنا
والندي نازل يـغازل اللــيل في شَـــــعـرك
ويقولك بحبك ويغني بحبك
وقعدنا نحلم أنا وإنت وسط تنهيد الشجر
والطيرعلينا شاهد واتعطف علينا القـــدر
وعلي لحن صوتك وصوته يحلى الســمر
النجم بعينه رمش سامع همسي وهمسك
بكلمة بحبك وهمس بحبك
وحب الزمـان يلــعب مــعـانا لعــبته
صعبان عليه وعاوز يفرقنا بـــقسوته
لكن الحب كان أقوى منه ومن خطته
ورجعنا واتقابلنا في سِكتى وسِكتك
وأقولك بحبك وأغني بحبك
محمد ابو الفتح
