؛؛؛؛؛؛؛؛؛؛؛؛؛؛؛
حروف اسمى بتتسابق لمعنى مفيش
كتير مخنوق ومش قادر
ساعات درويش من الدراويش
ساعات ظايط مع الظيطه
ساعات سرحان ف لقمة عيش
الاقى نفسى مكسوره
بطير ف التوهه من غير ريش
وبرجع تانى مش عارف
وبمشى ف سكة الحرافيش
ساعات حلمى يكون موته
ساعات بسهر مع الخفافيش
تعذبنى بصدى سكوتها
وصرخه فى ليل مبيسبنيش
وعتمه حتى لو ف نهار
بتمسح حلمى متخليش
وتزرع فى الامل خنجر
اقوله حرام ميفهمنيش
ومن زحمه لزحمه بروح
وكام لحظه مبتعديش
تحس العمر بقى واقف
ممكن شله من براطيش
شويه ف سجنهم سجنى
لا نافع التزام ولا طيش
اتارى الاسم بقى نقطه ف نهاية سطر
نهايه لقصه محفوظه لمعنى مفيش
#الاثر_المفقود
