عطشـان يا قلــــــــــــب
شايل فاسي وعلى غـيــطى رايح مـن عـــطـش السنيـن أرويـه
الزرع الاخـضر على عـوده رقــــــص ساعة ما شافنـى رايح عـليه
والقناية فاقـت من السهراية وحضنت الفاس وقــعدت تبــوس فيه
والأرض السمرا إتبسمت لفاسي وبضـحكة حلــوة راحت تــلاغيه
قلت ياأرض يا طيبة لحمي من طيـنك ليه بالعطش للحنان تكـويه
قالت انا اللي كبدي إتكوى من غربتك وحـبة عـرق منـك تشــفيه
قلت ومين يا أمه الوجع وجـرح الـــسنين من غربتي عنـك يـدوايه
أناعطشان ياأمه لحضنك وعطـشي نارفي القلب قايدة وايه يطفيه
طريق الغربة مرارفي الحلق بيضـــيق الخـُلق وكل الخَلق بتـوه فيه
وانا غريب بعت مع النجم شـوقي وقلت يانجوم السمـا امانه توديه
قالت في غربتك ضقت مرارة وحدتى وحالي من شافه يبكي عـليه
ووصلني سلامك قلـت بالله يانجوم السما من الغربه لحضني تـرديه
الولدولدي من لحمي ودمه من نيلي وانا وطيني أحق من غربته بيه
ردت النجمةوقالت اخاف أرده ومن تاني في داره وسط اهله تشقـيه
بس أمانه عليك يا طاهرة لورجع من تاني بهدمتك وطرحـــــتك غطيه
وكفاية مرالسنين اللي ذاقه واللي شافه في غربته لسنـــــين يكفيه
وقلت راضي ياامه بلقمتى وهدمة تسترجتتي وحضـنك لـقلبي يدفيه
بس ماتتهان لي كرامة وألاقي لوعشه لولدي من عين الغريب تداريه
يبقى زي اولاد الأكابربهمته مش بواسطته في يوم باشاوالا يكون بيه
وان مت ياغاليه امانه عليك يا امه في يوم من الايام عنك ما تغربيه
وكفايه غربتى عن داري وفي داري وولدي في حضنك بـقي تاخــديـه
ده ابنى ياأرضي زرعة عمري وخايف في حضن غربــــــته زي تنـسيه
ويموت عطشان في الغربه والنيل بيجـــري بيسقي الزرع من حواليه
محمد ابو الفتح
