زهره واسماعيل ..
.......................
وقت العصارى
والنسيم بيدق بابنا
طال عتابنا
ليه كدا ياام العيال
تجرحينى بالكلام
واللا (الله) ما قصدت انى اضايقك
عارفه حملك بينا مال
والزمن بقى غير زمانا
وكل ساعه بألف حال
خير هتفرج ...
بكره هتروق يااسماعيل وهتبقى عال
اعمللنا الشاى يازهره
فين صفيه وفين بلال !!!
هتلقيهم عن شجر التوت حدا غيط السوالم
ويا ولد الخال هلال
حاسه ليه انك بتبكى
والهموم جواك جبال
عارفه لما تضيق يازهره
ببقى زى الطير مهاجر فى البلاد
حبه ينزل فوق شجر
او يبات فوق التلال
يبقى عقلى ف توهه شارد
يعجزه ييجى ميت سؤال
يبقى بير الميه شايفه
زى طيف مر ف خيال
طعمه طعم الموت ف حلقى
لونه لون الدم فى بحور الرمال
انتى لو حاسه البكا جوايا ساكن
شايف القهره ف عنيكى
ما الحرام جعلوه حلال
واللى كان غالى بكرامته
رخصوه ..
خلوا تمنه ...يبقى مال
هى دى قوانين بلادنا
خوفنا فيها ...هو زادنا
قلوا فيها يازهره ليه بس الرجال ؟؟!!!
ينحنى جبين اللى يصرخ ..
غصب عنه ..
قولت الاه مش بخاطره
دا القرف بقى حته منه
متقوليش هو احتلال !!!
بس صابرين ع اللى فينا
صبرنا قرب يمل
امته بكره يانااس يجينا ونلق حل
حل ما يعزوه علينا
يبقى واقع مش قيل وقال
حملك تقليل اوى يااسماعيل
والحلم مهما يطول طريقه ..
مش مستحيل
دا كل ليل ووراه نهار
ودا حق مش معنى احتمال
حمال اسيه وشلت يامه
ربيت عيالك ع الكرامه
شوف كام شهيد راحوا ف قضيه
ضحوا عشانها ...
ودمهم ع الارض سال
فبلاش يكون اليأس توبك
لو حتى يوم كترت ذنوبك
ربك كبير
ودا حق مش معنى احتمال
طب قومى روحى نادى العيال
هقعد معاهم
#الاثر_المفقود عمر على
