عمو العاطل ابو نداغه
الهايف افندي بتاع حوارات
من نرفزته وديقة خلقه
بقى مدمن وبيدخل شات
ع البروفايل حاطط صورة
لنور ومهند واستكشات
عنده رسايل فوق الميه
وكل اصحابه الليدز بنات
راسم نفسه كأنه معارض
وابصر ايه ناشط سياسات
داخل جوه جروب الصاعقه
واحلام صحبه ومية سلامات
ينقل شعر وينسخ خاطره
واهو مقضيها كده اشتغالات
طول الليل فاتح ع البحري
بيفشر فيها ساعات وساعات
مره في حتة زنقه لبخته
بسؤال طاير في السياسات
رد عليا بكل وقاحه
وقالي انا ثائر ع العصابات
طول ما بلدنا بتاخد خيرنا
وعم الغول فارد عضلات
طول ما العسكر قاعدين فيها
مش حنبطل م الثورات
بصيت ليه مية مليون بصه
وقلت شيلوه من وسط الشات
ماهي مش ناقصه الواحد برضو
يلوث كفه واروح جنايات
واهو من يومها بقيت ع الحال ده
وبابعد خالص م التفاهات
خدها نصيحه او اعمل بيها
ابعد عن اي اشتغالات
....
ياسر السمطي
