رائعة الشاعر / محمود يونس ( لحظة الإحتضار )

المصدر: كتر الازاز جرح أيدينا وأنت في ايديك لسة طوب ليه كده تقتل فرحنا ليه كده تدبح قلوب دة احنا يا ما سهرنا ننزع شوك طريقك م الدروب و الفرح نغزل عشانك لأجل نهديك أحلى توب م السعادة و الهنا حتى لو كنا ندوب من وجع ساكن قلوبنا كنا نستر في العيوب وأنت ولا أنت هنا امتى بقى هتحسنا خلاص قلوبنا اتشققت متشوقه لحبة هنا حس بنا لأجل ما يدوم حبا أصل الورود لأجل ما يدوم عطرها محتاجه لشوية رعاية حبة حنان ينقذوها م الغواية أصل الهوى مهوش هوايه ولا حتى غاية ده دوا كل عليل شئ وصفه مستحيل لو جف قلبك منه أنسى انك خلاص ترجع بشر واحنا قلوبنا اتشققت متشوقه لحبة هنا حس بنا قبل ما تموت الورود تشتاق فيوم لعطرها و متلقهاش قبل ما الحسرة تملي قلبك عالي فات و يجف عطر الياسمين خلاص قلوبنا اتشققت متشوقه لحبة حنان حس بنا قبل ما تموت الورود تشتاق فيوم لعطرها متشمهاش الشاعر محمود يونس