( يـومّيـاتـي مـع مَـيّـاله)
,,,,,,,,,,,,,,,,,,,,,,,,,,
مِـيلي ...
و قولي
دا اللي هاتقوليه 
مش أحسن من قولي
ميلي ...
و غنّـي
دا اللي قولتيه
كان غصب عنّك
و عنّي
ميلي ...
يا ام عيون لايجة
و زايغة
و شايفة
دبّت رجلك
بتقرّب منّي
يا ام شال فضفاض
يا مخبّي قلب
زي النهر الفيّاض
عمران
نبعد و نقول خلص
نقرّب نلاقيه مليان
لا منّك 
و لا منّي
ميلي ...
و اوعي ف يوم
تسأليني
علي اللي عندك 
و اللي عندي
ميلي ...
يا ام شال طاهر 
مرفرف علي الكتف
و طاير
يا ريت يطير
و يجيني
ميلي ...
يا ام شال ابيض
نورة فارش الأرض
مُش شايف اُدّامي
أنا هاقف
و انت قوليله يعدّيني
ميلي ...
بس اوعي قلبك
يعمل زي عقلك
و يتبّع شالك و يميل
دا الغني
اوّله مواويل
و آخره ليل 
مش هايعدّي
ميلي ...
يا ام شال زي الحرير
يا مخبّي الحمام و الطير
شيفاني
و شايف شوفتك
بتسألي خوفك
بيقولك ...
دا غصب عنّي
ميلي ....
يا شال وردي 
و تمنه 
مش علي ادّي
قولي للهوا ... :
سيب شالي ف حاله
دا الغالي 
مش عارف يعدّي
لا منّي 
و لا من شالي
و ميلي ....
ميلي .....
ميلي ....-
__________________
يوميات .... أحمد فارس الينايري