نور هادى
شاعر الفردوس
يكتب :- ( رسالة قلت لك )
...................................
ما أنا قلت لك
ما صدقتيش
قلت لك صدقى
ما تخفيش
صدقينى
قبلك من زمان
- فاهمة طبعًا.. يا شجية -
مكنش فيه نسمة
مكنش فيه بسمة
مكنش فيه غير قسمة
واتقسمنا واتنسمنا
الصهد كمان
وراحت الهمة
وراحة البال ضاعت منَّا
قبلك
ما كان فيه
غير ضياع وانكسار
غير ملال وانحدار
الشهد والسكر.. طمعًا
غرفته من دفقات
فؤادك المرمر
يا شقية
عرفته من سكرات
قلبك العسجد .. جمعًا
خيوط الليل اتولدت
يا ندية
ومع الفجر كانت الأمنية
وكانت الأغنية
الكريز عمرى ما دوقته
إلا حمرة خجل
من ورد كسوفك
ورمان محبتك
وتفاح لهفتك
وبرد قهوتك
وشاى ضحكتك
ولفحة الهجير الشهية
ما عضتك
ولا فتت قسوتك
من ضياء غيميتك
يا هنيِّة
بتخبرك بأنك المملكة
وسواك العدم
بتحبرك وتحضرك
وتحطك قصيدة فى المحبرة
هتهربى منى يا أميرة
وتسيبى المملكة
يأسرها الندم؟
وتحيَّرك على فين؟
دى خطوتك ؟
دايما محاصرها النغم
دايما محاصر خيالك
ودايما أنا خيَّالك
يا مهرتى القوية
وايقونتى العفية
يا سما ء بهية
وبهية مستحية
وعنى نورها مخبية
وعنى ما بتسأل
طب فين حبك يا جنية؟
طب فين الننى
اللى فى عنيِّا ؟
بيبص غصب عنِّى
بس غصب عنى
بحبك باهتمام
وبحب فيك ألمًا
عنفوان المكان
فين منك الحنان؟
عاوز ادخلك
لاتك أُسطورتى
وأيقونتى ورمز محبتى
قبل الأوان بأوان
قبلك وقايلك
من قبل الزمان بزمان
عمرى ما اقدر
أزعل منك ولا ازعلك
بس وحياتى عندك
بلاش هجر وخصام
وقربى منى بالوئام
وقولى يا غنيِّة
فين نعيم الجنان ؟؟
فين بحور اللبن
والعسل المصفى والأمان؟؟
فين النجوى؟؟
فين العتمة ؟؟
فين الكتمة ؟؟
عمر ما كان حبى أوهام
ولازم تكونى عارفة
إنك ساحرة أنغام
وإنك المُدام
وإنى هشرب كاس محبتك
فى يوم من الأيام
لأنك الصفراء والبيضاء
والمضمون والمحتوى
ولأنك مُشعشعة
وإنك الراح والراحة
وزرقاء اليمامة
وخضراء الدُّمن
وإنك الأوطان
وإنك الغيطان
ورمز محبتى
مش بس أميرة الكلام
وملكة لملك همام
فهمانى يا اللى اللجام
عمره مالمس شفتيكِ
وما ربط يديكِ
و قلبى ما فك قيدك
ولا برَّد نار خطوتك
ولا خطورة صولتك
ولا قال لك فين الابتسام؟؟
وما كانت عاوز منك
غير الأربع حروف دول
مرة فى العمر وتنقال
باهتمام ( أحبك )
وهى دى المسألة
إن شا الله أموت هنا
باه يا ريس متقال
على اللى اتقال
على التقل ده
على الحلاوة دى
وبلدى نقاوة بالشكل ده
واللى بنى مصر
كان فى القصرحلوانى
كان فى الأصل حورانى
ملوانى ومال تانى
علينا بالحب
ورباك وربانى
وتوبنى وياكى
بقرآنك وأناجيلك
وأنا أجى لك
ونعيش عصفورين جمعًا
كأحلى هدية
على النغمات
على النبرات
بلا أزمات بلا فرقة
بخلخالك وخلانك
فى تلابيبك وخلجاتك
وخلاياكِ وخلجانك
حلمنا ..عمرنا ..قلبنا
حكايا مرايا ودم
دوام فى دوام
دوران هم ونم وذم
فى طى نسيان الغم
ذوبان فى ذوبان
قبطان ما يتلم
وبيجكم العالم
من حواليكِ
وغمره ما هيطول
ظفرك
ولا رجليكِ
وخليه يعمل ما بدا له
ويسمع كلام ولاد العم
وانت وربى وما خلق
البعد ليكى دوا ما اتخلق
والقرب ليكى اتخلق
والهوى
انت اللى عاملة
فى نفسك كده
وعنى مستبعدة
بالجوى
وعن ولادك مستغربة
بالكوى
والبركة فى جمالك
وسحرك ودلالك
وقلبك الملائكى اللى
أسرنى وسجنى
فى بستان محبتك
تعالى بلا خجل علمًا
نحطم اليأس والملل
ونعرفهم مين أنت ؟؟؟
ومين أنا ؟؟؟
....................................
نور هادى
شاعر الفردوس
يكتب :- ( رسالة قلت لك )
...................................
ما أنا قلت لك
ما صدقتيش
قلت لك صدقى
ما تخفيش
صدقينى
قبلك من زمان
- فاهمة طبعًا.. يا شجية -
مكنش فيه نسمة
مكنش فيه بسمة
مكنش فيه غير قسمة
واتقسمنا واتنسمنا
الصهد كمان
وراحت الهمة
وراحة البال ضاعت منَّا
قبلك
ما كان فيه
غير ضياع وانكسار
غير ملال وانحدار
الشهد والسكر.. طمعًا
غرفته من دفقات
فؤادك المرمر
يا شقية
عرفته من سكرات
قلبك العسجد .. جمعًا
خيوط الليل اتولدت
يا ندية
ومع الفجر كانت الأمنية
وكانت الأغنية
الكريز عمرى ما دوقته
إلا حمرة خجل
من ورد كسوفك
ورمان محبتك
وتفاح لهفتك
وبرد قهوتك
وشاى ضحكتك
ولفحة الهجير الشهية
ما عضتك
ولا فتت قسوتك
من ضياء غيميتك
يا هنيِّة
بتخبرك بأنك المملكة
وسواك العدم
بتحبرك وتحضرك
وتحطك قصيدة فى المحبرة
هتهربى منى يا أميرة
وتسيبى المملكة
يأسرها الندم؟
وتحيَّرك على فين؟
دى خطوتك ؟
دايما محاصرها النغم
دايما محاصر خيالك
ودايما أنا خيَّالك
يا مهرتى القوية
وايقونتى العفية
يا سما ء بهية
وبهية مستحية
وعنى نورها مخبية
وعنى ما بتسأل
طب فين حبك يا جنية؟
طب فين الننى
اللى فى عنيِّا ؟
بيبص غصب عنِّى
بس غصب عنى
بحبك باهتمام
وبحب فيك ألمًا
عنفوان المكان
فين منك الحنان؟
عاوز ادخلك
لاتك أُسطورتى
وأيقونتى ورمز محبتى
قبل الأوان بأوان
قبلك وقايلك
من قبل الزمان بزمان
عمرى ما اقدر
أزعل منك ولا ازعلك
بس وحياتى عندك
بلاش هجر وخصام
وقربى منى بالوئام
وقولى يا غنيِّة
فين نعيم الجنان ؟؟
فين بحور اللبن
والعسل المصفى والأمان؟؟
فين النجوى؟؟
فين العتمة ؟؟
فين الكتمة ؟؟
عمر ما كان حبى أوهام
ولازم تكونى عارفة
إنك ساحرة أنغام
وإنك المُدام
وإنى هشرب كاس محبتك
فى يوم من الأيام
لأنك الصفراء والبيضاء
والمضمون والمحتوى
ولأنك مُشعشعة
وإنك الراح والراحة
وزرقاء اليمامة
وخضراء الدُّمن
وإنك الأوطان
وإنك الغيطان
ورمز محبتى
مش بس أميرة الكلام
وملكة لملك همام
فهمانى يا اللى اللجام
عمره مالمس شفتيكِ
وما ربط يديكِ
و قلبى ما فك قيدك
ولا برَّد نار خطوتك
ولا خطورة صولتك
ولا قال لك فين الابتسام؟؟
وما كانت عاوز منك
غير الأربع حروف دول
مرة فى العمر وتنقال
باهتمام ( أحبك )
وهى دى المسألة
إن شا الله أموت هنا
باه يا ريس متقال
على اللى اتقال
على التقل ده
على الحلاوة دى
وبلدى نقاوة بالشكل ده
واللى بنى مصر
كان فى القصرحلوانى
كان فى الأصل حورانى
ملوانى ومال تانى
علينا بالحب
ورباك وربانى
وتوبنى وياكى
بقرآنك وأناجيلك
وأنا أجى لك
ونعيش عصفورين جمعًا
كأحلى هدية
على النغمات
على النبرات
بلا أزمات بلا فرقة
بخلخالك وخلانك
فى تلابيبك وخلجاتك
وخلاياكِ وخلجانك
حلمنا ..عمرنا ..قلبنا
حكايا مرايا ودم
دوام فى دوام
دوران هم ونم وذم
فى طى نسيان الغم
ذوبان فى ذوبان
قبطان ما يتلم
وبيجكم العالم
من حواليكِ
وغمره ما هيطول
ظفرك
ولا رجليكِ
وخليه يعمل ما بدا له
ويسمع كلام ولاد العم
وانت وربى وما خلق
البعد ليكى دوا ما اتخلق
والقرب ليكى اتخلق
والهوى
انت اللى عاملة
فى نفسك كده
وعنى مستبعدة
بالجوى
وعن ولادك مستغربة
بالكوى
والبركة فى جمالك
وسحرك ودلالك
وقلبك الملائكى اللى
أسرنى وسجنى
فى بستان محبتك
تعالى بلا خجل علمًا
نحطم اليأس والملل
ونعرفهم مين أنت ؟؟؟
ومين أنا ؟؟؟
....................................
نور هادى
شاعر الفردوس
